Shkrimtarja Vilhelme Haxhiraj (Vranari) vlerësohet nga Qeveria Shqiptare

nga **Agim Gashi** Sat Jan 02, 2010 2:14 am

Shkrimtarja Vilhelme Haxhiraj përfiton Pension të Posaçëm, nga qeveria shqiptare. Pas një vendimi të Këshillit të Ministrave shkrimtarja e mirënjohur shqiptare Vilhelme Haxhiraj (Vranari)ka përfituar një pension të posaçëm. Kjo ndihmë monetare besohet se do ta përmirësojë cilësinë e jetës së shkrimtares vlonjate, e cila për 45 vite ka njohur luftën e egër të klasave, internime,mohimin e çdo të drejte dhe vlere njerëzore, nxjerrjen jashtë radhëve të arsimit dhe mohimin e marrjes së diplomës së Universitetit. Ndërsa për krijimtari as që bëhej fjalë, për derisa nuk ushtronte profesionin e mësuesisë, nuk mund të lejihej të botonte libra.Ishte mollë e ndaluar të ëndërronte për të qenë dikushi. Znj. Haxhiraj është sot një nga shkrimtaret më në zë të letërsisë bashkëkohore shqiptare, e shquar për lëvrimin me sukses të të gjitha gjinive letrare.

E pyetur nga gazeta “Nacional”, zonja Haxhiraj u shpreh se: “Së pari ndihem e vlerësuar moralisht dhe pastaj financiarisht. Për këtë vlerësim të Qeverisë shqiptare, falenderova Kryeministrin, Prof.Dr. Sali Berisha nëpërmjet një E-maili,si edhe përmes një SMS –je. I jam mirënjohëse z. Berisha se po të ishte për të tjerët, dosja ime do të ngelej në sirtar edhe dy vjet e gjysëm të tjera.”

Shkrimtarja Haxhiraj pas vitit 90 ose më sakt në 13 vite (1996-2009) ka botuar 21 vepra letrare mjaft cilësore, nga këto 10 (dhjetë) romane në shqip.Ndërkohë para një muaji u botua një libër me poezi në Bukuresht në dy gjuhë (rumanisht- shqip). Botimi në gjuhën rumune u realizua nga Bashkësia Kulturore e Shqiptarëve të Ruamanisë. Gjithashtu ka gati 4 libra të tjera për t’u botuar gjatë vitit 2010.

Veç botimeve të bollshme, autorja është vlerësuar nga kritika, analistë, shkrimtarë dhe lexues si brenda dhe jashtë Shqipërisë. Krijimtaria e Vilhelme Vranari(Haxhirajt) është vlerësuar me disa çmime si brenda dhe jashtë vendit, si në Itali dhe Kosovë nga juri prestigjioze. Shkrimtarja gjithashtu jep kontributin e vet të çmuar në publicistikë, si në mediat e vendit edhe ato botërore. Theksojmë se është një nga bashkëpunëtoret prestigjioze të Shtëpisë Botuese “Nacional” dhe gazetës “Nacional”. Si autore është mjaft e kërkuar nga lexuesit tanë në Shqipëri, Kosovë, Maqedoni dhe Mal të Zi.Tani kërkohet edhe nga Arbreshët e Italisë, katedra e Gjuhës Shqipe.

Shkrimtarja Haxhiraj në fund shprehu edhe një herë mirënjohjen për Kryeministrin dhe Këshillin e Ministrave duke deklaruar: “ Vlerësimi i Qeverisë shqiptare më frymëzon dhe më nxit për të dhënë vlerat të tjera në Letërsi, publicistikë, të luftoj kundër dhunës në familje dhe për barazinë gjinore.”

(E diel 27/12/2009 Gazeta Nacinal, Tiranë)

Zgjodhi për Zemrën Shqiptare: Baki Ymeri

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30