Lediana Kapaj: Fjala " Të dua" është tharë!

Lediana Kapaj: Fjala " Të dua" është tharë!



Ti do të vish në mes të natës,
të ëmblat fjalë do të mi këndosh,
me pëshpëritje, ndjenjë lajkatare,
me dashurinë do të vallëzosh...


Ti do të vish në ëndrrën time,
veshur me petkun e mirësisë,
me lumenj puthjesh do të më dehësh,
Dhe do mi thuash "Jashtë" vetmisë!


Ti do të vish në shtratin tim,
në krahë si princi do të më marrësh,
të dy sëbashku do shohim yjet,
dhe hënës vetë ti do ti falesh!


Ti do të vish në dhomën time,
me trëndafil që kundërmon,
si shtollovajzë do jem e veshur,
në ndjenjën time një zanë këndon!


Ti do të vish në trupin tim,
me lumenj puthjesh do më mbulosh,
parajsën vetë do ta shëtisim,
zemrën dhe shpirtin do më dhurosh!


Ti do të vish në botën time,
do të magjepsem nga lumturia,
e mrekulluar do i them vetes...
" Ja më në fund...Erdh' dashuria"!


Ti do të vish!!....Dhe veten shkund:
"Pse endërron moj si e marrë,
nuk e shikon fjalën " Te Dua",
nga buza e tij me kohë është tharë"!


Janar 2010


Lediana Kapaj