Gjysmë milion njerëz mund të jenë të vdekur nga tërmeti në Haiti

Gjysmë milion njerëz mund të jenë të vdekur nga tërmeti në Haiti

Port-au-Prince, 13 janar
– Numri i të vdekurve nga tërmeti shumë i fuqishëm në kryeqytetin e
Haitit Port-au-Prince mund të tejkalojë shifrën prej 100 000 personave,
tha të mërkurën kryeministri i Haitit Jean-Max Belleriveje. Sipas
fjalëve të dëshmitarëve, kjo fatkeqësi ndër më të rëndat në 200 vjetët
e fundit, ndodhi brenda një minuti, dhe gjatë kësaj kohe të shkurtër u
rrënuan edhe ndërtesa e KB, pallati presidencial, si dhe shumë ndërtesa
të numërta, në mesin e të cilave edhe shkolla e spitale. Një numër i
madh i të punësuareve në KB llogariten të zhdukur.





Numri i viktimave ende nuk dihet, pasi aksionet e shpëtimit po
vijojnë ende, por autoritetet parashikojnë se numri i viktimave mund të
jetë jashtëzakonisht i madh. Kështu, presidenti i Haitit, Rene Preval
ka shfaqur drojën se nga rrënimet e shkaktuara nga tërmeti i fuqishëm
kanë vdekur deri në 100 000 njerëz, kurse senatori më i njohur i
haitit, Youri Latortue ka thënë se numri i përgjithshëm i tëvdekurve
mund të shkojë deri në 500 000.
Ndihmën e kanë ofruar tashmë shumë vende, ndër to edhe SHBA,
Britania e Madhe, venezuela, etj. Sipas medieve lokale, në këtë tërmet
e kanë humbur jetën edhe katër zyrtarë të KB-ve nga Brazili, pastaj
tetë nga Kina (nuk dihet për fatin edhe të 10 kinezëve të tjerë), tre
nga Jordani, pastaj një nga Argjentina, etj. Pos, ushtarakëve, nuk
dihet as për fatin e 14 personave të stafit civil të KB nga fusha e
arsimit, kulturës e shkencës (Unesco).

Në rrënimin e hotelit luksoz Montana, që është shumë i popullarizuar
në mesin e turistëve, diplomatëve dhe zyrtarëve të KB, si ka deklaruar
ministri francez për Ndihmë Zhvillimore, Alain Joyandet, ka gjasa të
mëdha të kenë humbur jetën 200 njerëz. "E dimë që hë hotel në kohën e
dirdhjes fatale kishte rreth 300 mysafirë, nga të cilatë janë shpëtuar
vetëm 100", ka sqaruar ministri për radion France 2. pos kësaj,
agjencitë e huaja raportojnë se shpëtimtarët kanë gjetgur nën rrënoja
edhe trupin e kryepeshkopit të haitit Joseph Sergej Miota.
Autoritetet e Haitit e kanë quajtur këtë fatkeqësi të madhe si
katastrofë, kurse vlerësojnë se dëmi do të mund të shkonte në shumë
miliardë dollarë.


"I tërë qyteti është në terr", ka thënë Rachmani Domesrant,
udhëheqës i programt për ushqimin. "Nëpër rrugë janë me mijëra njerëz,
që nuk dinë nga t’ia mbajnë, qajnë dhe klithin, jemi edhe pa energji
elektrike", tha ai për agjencinë AFP.
Shtetin më të varfër në anën perëndimore të globit tokësor e ka
goditur një numrë i madh i fatkeqësive natyrore, ndër to edhe hurikanet
dhe stuhitë në vitin 2008, kur patën vdekur disa mijë njerëz. Situata
politike në këtë vend ëshë ende jostabile, ndonëse në përmirësim, por
akoma në masë të madhe varet nga mbështetja e forcave të KB-ve.


Presidenti amerikan, Barack Obama ka thënë se mendjet dhe lutjet e
amerikanëve janë për Haitin dhe se Amerika gjithsesi do të marrë pjesë
në shpëtim.
"Ende jemi duke grumbulluar të dhënat mbi katastrofën, por SHBA-ja
tashmë i ka ofruar Haitit ndihmë ushtarake, financiare dhe humanitare",
ka thënë sekretarja e Shtetit Hillary Clinton.

























[/