Kryetarit të Bashkisë Shkodër zotni Lorenc Lukes

Kryetarit të Bashkisë Shkodër zotni Lorenc Lukes




I nderti Zotni Lorenc Luka
Kryetar i Bashkisë – Qytetar i Parë i Qytetit të Shkodrës
Shkodër


Per te gjitha trojet mbarshqiptare Shkodra ka qene gjithmone lokomotiva e luftes per Liri, Perparim dhe Demokraci. Dhe asht pikrisht kjo arsyeja qe nuk ka pase ne Shqipni qytet ma te persekutuem nga diktatura komunisto-staliniste se sa qyteti i jone i dashtun Shkodra. Shkodra ka qene per te gjithe shqiptart djepi i kultures europiane dhe i perparimit. Te gjata ishin ato vite te zeza te diktatures komuniste e cila per nji gjyse shekulli u perpoq ta perkuli kete qytet te lashte. U rriten e u bane burra femijt qe linden ne vitin 1944 kur ne vendin tone u vendos diktatura komuniste, por gjithnji brezat e rij te qytetit tone, ia kane kalue njeni tjetrit stafeten e luftes per Liri dhe Demokraci.



Erdhi ma se fundi momenti, qe brezi i te rijve shkodrane i vitit 1990, te part ne Shqipni, ta marrin inisiativen per te dhane kontributin e vet patriotik per te çrranjose komunizmin dhe simbolet e tij nga qyteti jone i martirizuem dhe tu japin keshtu sinjalin te gjithe shqiptarve. Ne janar te vitit 1990 dhe pikrisht me daten 14, nji grup te rijsh shkodrane dolen ne sheshin qendror te qytetit ku per shume vite me rradhe qendronte kercnueshem busti i perbindshit sovjetik, i kryekriminelit komunist Stalin. Ato nuk dolen aty kot. Ato dolen aty per te manifestue kundra simbolit te diktatures. Ndersa ne gjithe Shqipnine kjo gja as u mendonte, ishte pikrisht ky grup te rijsh dhe te rejash bij te Shkodres qe dhane shkendine e pare antikomuniste, krejte njashtu si ne shtator te viti 1946 tue u nise nga fshati Postrribe u ngriten te part ne Europe kundra komunizmit baballart e tyne se bashku me malcort tone trima. Kjo asht arsyeja qe Shkodra asht e traditave. Dhe per te kalue brez mbas brezit keto tradita liridashese dhe demokratike te shkodranve asht e nevojshme qe ky SINJAL i 14 Janarit 1990 tu kujtohet brezave te ardhshem me nji Simbol Lirie-Demokracie. Kjo asht nji detyre edukative e jona, e brezit tone.



Keto te rij shkodrane u arrestuen, u torturuen, u masakruen dhe u denuen. Te gjithe kishin meritat njisoj, por njeni fatkeqesisht e pagoi me jeten e vet, me rinine e vet. Ky ishte i riu shkodrane Rin Monajka, martiri i antikomunist i Demokracise. Lindi ne Shkoder me 11 Qershor 1953. Ne vitin 1990 u torturue shtazerisht nga forcat e sigurimit komunist shqiptar. Pasojat ishin aqe te randa sa qe me gjithe mjekimet, ai vdiq ne qytetin Villach te Austrise me datën 1 Maji 1997.


Rin Monajka , ky bir fisnik i qytetit te Shkodres, i dhuroi jeten qytetit te vet. Qyteti i Shkodres i ka borxh birit te vet Rin Monajka nderimin tue e perkujtue me nji bust apo me emnin e ndonji rruge kryesore te qytetit.

Paul Tedeschini, emigrant ne Itali, por gjithmone shkodrane dhe me menden e zemren tek Shkodra.
Itali, me 19.01.2010
e-mail: paul.tedeschini@yahoo.it

Bashkohemi me kete leter edhe na emigrantat shkodrane te poshteshenuem:
1- Ana Tedeschini-Itali,
2- Robert Prendushi-Itali,
3- Ana Margariti-Itali,
4- Nora Prendushi-Itali,
5- Artur Prendushi-Itali,
6- Eduard Rrota-Itali,
7- Valerja Rrota-Itali,
8- Rita Rrota-Itali,
9- Vitore Muzhani-Itali,
10-Ivi Muzhan-Itali,
11-Roza Çoba-Itali,
12-Klara Çefa-Itali,
13-Marin Paloka-Itali,
14-Angjelin Paloka-Itali,
15-Federik Shiroka-Itali,
16-Nikolin Shiroka-Itali,
17-Valerja Gurashi-Itali,
18-Luçiana Saraçi-Itali,
18-Rudolf Pali-Itali,
19-Dorotea Pali-Itali,
20-Jozef Shiroka-Itali,
21-Valentina Pali-Itali,
22-Andrea Pali-Itali,
23-Zef Skanjeti,
24- Gjenarin Shantoja-USA,
25-Bep Pllumbi-USA,
26-Nikola Prevea-Greqi,
27-Anton Çefa-USA


Me 19 Janar 2010