Gjakush Tana: NË URNËN E JETËS HESHT E MËRMËRIS !

Gjakush Tana: NË URNËN E JETËS HESHT E MËRMËRIS !



Tani - jam shndërruar varr i gjallë !

Në urnën e jetes hesht e mërmëris !

Do ta ndjejë Ajo se sa e dua vallë ?

- Pa Të ! Këtë jetë e braktis!



Nuk janë çaste që duhet përballur !

Nuk janë procedura për të bërë ironi !

Është hidhërimi i Asaj - që është ngjallur,

por mua, me djeg malli ! Ah! Pa Të bëhem hi!



Unë e di gjithe fillimin dhe fundin e di !

Nuk bëj atavizma për shpallje e për betime !

Nese kjo jetë nisi nga vaji , që të behem hi ,

- do ta dua jetësisht , çdo çast, në shestime!



S'është dashuria ime - bindje për shaka !

Eshtë luftë shekullore , ku unë e dua robërinë !

Flamuri i dashurisë t' valvitet pa nda,

për Ate që e desha - ma shumë se Perëndinë !



Unë kalova shtigjeve të vdekjes , dhe në burg !

Por nuk iu luta me klithmë : Më ndihmo o Zot !

I ruajta këto çaste , sikur isha murg :

- Të më vinte pranë e, t'i thosha se jetoja kot!



T'i thosha shkurt : Të me sjell vdekjen !

Me kusht : Emrin e saj të kish : Lamtumirë!

Ndërsa diten e ringjalljes ta shuaja edhe etjen :

- Me të dashurën time të isha i lirë !



Se keto momente kur s'kam njeri pranë...

Jetën e kam varr e shpirti kurre s'më prehet!

Hidhërimin që shfaqi, lotët që ranë :

- Është malli im - në vargje s'rrefehet...

Gjakush Tana: MË NDODHI MUA... !


Më ndodhi mua të provoj në jetë
rrebeshë që më mbyten si dallge e shi,
Më ndodhi mua të provoj në jetë
Hiidherim, acar - dhe , ëmbëlsi!

Më ndodhi në jetë të provoj :
- Pushteti me ndoqi, pastaj dashuria !
Gjithcka që më ra, munda ta harroj !
Nuk harrohet kurrë tradhëtia!

Ajo më ka vënë në përballim të gjatë!
Më shpërthejnë lot, më lagin fytyrës !
Edhe ditën , edhe në të errësirës natë
portretin ia shoh, ia ndjej zërin e lyrës!

Më ndodhi në jetë të provoj
si mbet - bosh stoli i dashurisë,
Edhe atëherë kur për darkë sofrën shtroj
me pjatën e mbushur vargje të poezisë !

Dhe vjen befasisht Ajo nga largësia
të ndezë flakadanin e hijeshisë !
E pyes : Përse gjithmon si furtunë je nisur?
- Të të shëroj shpirtin prej nostalgjisë...!