Haxhi Muhaxheri: Medaljon për Nënën Tereze në 100-vjetorin e lindjes nga Frrok Kristaj http://pavaresiaekosoves.piczo.com/frrokkristaj1

nga **Agim Gashi** Wed Mar 31, 2010 6:45 pm

NËNA

E DASHURISË

Haxhi Muhaxheri: Medaljon për Nënën Tereze në 100-vjetorin e lindjes nga Frrok Kristaj http://pavaresiaekosoves.piczo.com/frrokkristaj1 25164_102703819763496_100000716346990_77902_849083_n

Haxhi Muhaxheri

I. (Dhuratë me lule)

Lule kam mbjellë

në saksi

dritareve

u japin bukuri

Çdo ditë i ujis

kur në shkollë shkoj

e kur kthehem prapë

- kurrë s'i harroj

Se vjen një ditë

një ditë urimi

si buqetë lulesh

shpërthen gëzimi.

"Zani i rinisë", Prishtinë, tetor 1958

II. (E ëmbël përherë)

Nënë, moj nënë

ti je rreze

ti je Hënë

lule me erë

nektar në pranverë

Nënë, nënë e tërë

mollë me erë

lule - pranverë

e bekuar

e ëmbël -

përherë.

III. (Kur flet Nëna Tereze)

Kur flet Nëna Tereze

na mbush plot me shpresë

dashuri në ne ndez

medaljon ari me njesë

Kur flet Nëna Tereze

urrejtjes i vë dry

largon retë ndër breze

hedh dritë n'sy

Kur flet Nëna Tereze

mbjellë veç dashuri

dorë që ngroh me rreze

- sjell gëzim e lumturi.

Prishtinë, 22 gusht 2000

IV. (Nëna Tereze rreze dielli)

Gonxhja jonë lule-prilli

motra jonë motër dielli

nëna jonë dritë qielli

Nënë Terezja

dashuri -

për çdo popull

për çdo njeri.

V. (Dritë e paqes)

Në zemra të njerëzve

hodhe dirtë e rreze

nënë jona hyjnore -

Nëna Tereze

Mbushe botën me dashuri

buzëqeshje dhe rreze

Gonxhja jonë në shenjtëri

e madhja Nëna Tereze

Nënë, motër, bijë e mbesë

urtësi tej shprese

dritë e paqes - qëndresë

Nëna Tereze.

Prishtinë, 9 korrik 2000

VI. (Nënë e nënave)

Nëna Tereze

zemër e këtij dheu

legjendë e paqes

- Bukë e bekuar

në sofrën e shtruar

Nënë e nënave

dritë e njerëzisë

nënë e mirësisë

dhe e dashurisë.

VII. (Ndërmjet nesh e nënës)

Ndërmjet meje e teje

edhe kur s'kishte lumë

ishte një urë

që na lidhte shumë

Ndërmjet meje e teje

edhe kur s'kishte det

ishte një dashuri -

Nënëshenjtja vetë

Ndërmjet nesh

e Nënë-Terezes - hyjnore

besimi, dashuria

bëheshin madhështore.

"Rilindja", Prishtinë, 3 mars 1987

16

VIII. (Edhe territ i jepte dritë)

Nëna Terezë

mbi botë fshinte

renë e zezë

edhe territ i jepte dritë

shih ti natën -

e kthente në ditë

IX. (Në zemrat tona je gjithmonë)

Nëna Tereze

nëna jonë

emri yt

- dha jehonë

Të bardhë e të zi

i pe në një emër

i dhele me dashuri

i ndihmove me zemër

Të uritur e të sëmurë

lumturove

me buzëqeshje

i shërove

Nënë-Tereze

- nënë-jona

përgjithmonë

- në zemrat tona!

X. (Nënë e nënave plot dashuri)

Nëna jonë - nënë e botës

engjëll paqeje në lartësi

Shëna-Terezja - lule drite

me atdhe botë dhe liri

Gonxhja jonë - nënë e botës

engjëll paqeje në lartësi

- rreze drite në çdo shtëpi -

nënë e nënave - dashuri!

XI. (Në globin tonë ishte një nënë)

Në shtëpinë tonë

ishte një bijë

shpirt motre e mbese

- ishte Nëna Tereze

Në kopshtin tonë

një gonxhe mirësie

por s'ishte vetëm gonxhe

ishte më shumë se lule -

lule njerëzie

Në globin tonë

ishte një nënë

Nënë Terezja

shenjtëreshë zënë

ishte rreze

ngado hidhte dritë

- ishte diell e hënë.

XII. (Nënë e dritës)

Gonxhe jona

ti - Anjezë,

Nënë Tereze

themel-fortese

Kudo në botë

shpërndave rreze

me frymë njese

me zë bese

Ti nëna jonë

nënë e dritës

Nënë Tereze

- Nënë e rritës.

Prishtinë, 11 prill 2003

XIII. (Ti Nënë - histori)

Për ty oj Nënë luten edhe lulet

me dashuri hyre në histori

të përgjërohem oj frymë hyjnore

flamur zemre në çdo shtëpi

Ti Nënë e rruzullit

Nënë rruzare

shenjtore në përjetësi

ti Nënë e jetës - histori

Ti Gonxhe e lulëzuar

Nënë Tereze e uruar

me rruzare në duar

ylber lirie e lumturuar

XIV. (Gonxhe je diell-rreze)

Nënë urtie

rrënjë në ndjesë

dhe në shpresë

e qëndresë

Mbi Gonxhe

besë

diellrrezë

e ylberzë

Shenjtëreshë

nënë ilire

nënë e ëmbël

Nëna Tereze

Prishtinë, 9 korrik 2000

XV. (Nëna e dashurisë)

Është një Nënë

Nënë shqiptare

që e njeh bota

- Nënë hyjnore

- Nënë botërore

Është një Nënë

Nënë e paqes

që e njeh bota

- Nënë-model

- e nderuar me Nobel

Është një Nënë

Nënë e mirësisë

Është një Nënë

- Nënë e dashurisë!

XVI. (Nëna e zemrave)

Motër Anjezë

ti Nëna Tereze

me urtësi

u shndërrove

në dashuri

Je një lule

një hyjneshë

nënë e paqes

nënë shenjtëreshë

Nënë e zemrave

plot shenjtëri

shpirtmadhe

për njerëzi.

XVII. (Emër në zemër)

Ku duhet ta shkruajmë

emrin e Nënës Tereze?

Në tokë -

sepse i jep bukuri

Duhet ta shkruajmë

emrin e Nënës Tereze

edhe në qiell -

sepse rrufeve u jep dashuri

Edhe ku më ta shkruajmë

emrin e Nënës Tereze?

Ta shkruajmë në zemrat tona -

sepse është jona!

XVIII. (Gjuha e nënës)

Jetën ma shton përherë

gjuha e nënës sime

me diell dhe pranverë

I lumtur e mësoj

- me gjuhën e nënës

atdheun nderoj.

"Zëri i Hasit", Zym-Has, viti I, 1971

XIX. (Lule e plisit)

Ti oj nënë

vullnesë e Zotit

në shenjtëri

ti ylbere e motit

Për ty

oj Nënëmadhe

ndezim qirinj

e bekuar qofsh

oj lule gonxhe

Zoti dhe engjëjt

të dhanë dashuri

Me ty krenohet

bota mbarë

e më së shumë

- çdo shqiptar

Ti krenari e fisit

- lule e plisit.

XX. (Çka i duhet paqes)

Paqes nuk i duhen

lufta, armiqësia

i duhen buzëqeshjet

i duhet dashuria

Bekimi i Nënës -

paqe e Zotit,

Uratë e Nënës -

urim i motit.

"Zëri i Hasit", Zym, 1987, nr. 28-29

Haxhi Muhaxheri: Medaljon për Nënën Tereze në 100-vjetorin e lindjes nga Frrok Kristaj http://pavaresiaekosoves.piczo.com/frrokkristaj1 27066_106883729345505_100000716346990_102378_6742897_n

Frrok Kristak

Nëna Tereze

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30