LDD Gjermani: Në përvjetorin e thyerjes së Kufirit Shqiptaro- Shqiptar!

nga **Agim Gashi** Thu Apr 08, 2010 1:30 am

LDD Gjermani: Në përvjetorin e thyerjes së Kufirit Shqiptaro- Shqiptar!

Nderim Dëshmorëve të Kombit!

Salih Çeku, ky Burrë i Madh i Kombit!

Sërish erdhi prilli i përkujtimit të Epopesë së Koshares, padyshim Betejës më të përgjakshme dhe më të lavdishme të Ushtrisë Çlirimtare të Kosovës, dhe i Dëshmorëve të Lavdisë. Me këtë, shënohet edhe thyerja e Kufirit të dhunshëm të vendosur më se nëntëdhjetë vjet më parë nga hegjemonit gjëmëmëdha evropiane në zemër të Kombit dhe Trollit Etnik Shqiptar. Dhe, ishte Brigada 138 (e unifikuar, më vonë Agim Ramadani), nën drejtimin dhe komandën e të pavdekshmëve: Agim Ramadani dhe Salih Çeku, ajo që ëndrrën e kamotshme kombëtare e bëri realitet të prekshëm dhe shijues për bashkim toke dhe zemrash. Natyrisht se çdo krismë pushke e luftëtarëve të lirisë ishte vulë gjaku në epilogun e shumëpritur të Lirisë. Protagonisti ynë kësaj radhe është Salih Çeku, ky Burrë i Madh i Kombit. Për të është shkruar e thënë shumë, qoftë nga mediat e shkruara, nga klasa intelektuale, bashkëluftëtarët e tij, vlerësuesit profesionist të Artit Luftarak, politikanë e diplomatë të brendshëm dhe të jashtëm, etj. Ne mëtojmë që me pak fjali të arsyetojmë Termin: Burrë i Madh i Kombit! "Ky njeri fjalëpakë dhe i heshtur kur duhej, urtinë dhe thjeshtësinë e ka trashëguar nga burrat e urtë të traditës shqiptare", e patë cilësuar Presidenti ynë historik, Dr. Ibrahim Rugova. Po, Salihu ishte i heshtur kur duhej, por, shumë shpërthyes në momentet kur kjo kërkohej. Ishte i matur në qëndrimet e tija dhe shumë tolerant në biseda dhe ndaj mendimeve ndryshe, por i paluhatshëm në zbatimin e vendimeve të drejta tashmë të marrura me konsulta paraprake.
Dhe, janë disa atribute që atë e bëjnë kolos të vërtetë:
- Mprehtësia në mendime, maturia dhe mos ngutja në vlerësime, si dhe rreshtimi me kohë në zbatimin e kushtetutshmërisë së Republikës së Kosovës (Kushtetutës së Kaçanikut). I pari dhe i vetmi nga të gjitha Komunat e Republikës së Kosovës që e bëri (me Asociacionin e Juristëve Profesionistë të Komunës së Deçanit) përshtatjen dhe futjen në zbatueshmëri të Statutit Komunal të nxjerrur nga bërthama e Kushtetutës së Republikës së Kosovës.
- Filozofia politike e tij, ishte për tu admiruar. Punët i kryente pa zhurmë dhe pompozitet. Lëvdatat ua lente të tjerëve. I thjeshtë, i urtë dhe shumë i matur. Fjala e tij zakonisht ishte mbyllje e kapitujve që pastaj të kalohej në zbatueshmëri.
- Strateg shumë i zoti ushtarak, i vlerësuar nga njerëz profesionistë të Artit Luftarak (shih Betejat e Logjës dhe të Koshares). Shkathtësia manovruese në Frontin e Luftës
e dëshmon më së miri Epitetin Strateg Lufte, e këtë e thanë shumë herë bashkëluftëtarët dhe ushtarë e eprorë edhe të niveleve më të larta. Andaj, Salih Çeku me jetën dhe veprën e tij, zuri vend përjetësisht në mesin e Burrave më të shquar të Kombit. Urtia, strategjia luftarake dhe vizioni politik i tij, do të mbesin frymëzim dhe temë studimi i njerëzve të penës, artit dhe politikës. Lavdi përjetësisht jetës dhe veprës kolosale të Salih Çekut!

H. Gagica dhe M. Thaqi
Prill 2010

LDD Gjermani: Në përvjetorin e thyerjes së Kufirit Shqiptaro- Shqiptar! 24755_392810698680_187205523680_3832772_5477634_n

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30