Pilo Zyba: Dritarja jonë e talentit

nga **Agim Gashi** Sat Apr 10, 2010 4:09 pm

Pilo Zyba: Dritarja jonë e talentit "ERIOLA ISARAJ" - poezi -

Pilo Zyba: Dritarja jonë e talentit "ERIOLA ISARAJ" - poezi - 26522_109651069068284_100000701739246_111036_5532241_n

Pilo Zyba: Dritarja jonë e talentit "ERIOLA ISARAJ" - poezi - 26522_109651069068284_100000701739246_111036_5532241_n

ERIOLA ISARAJ

. NATA

Nga skutat e errëta të trillimit,

rrjedh heshtja.

Pa zhurmë fundosen në vorbullën e magjisë,

ëndrrat.

Nga trajtat pa formë që përshkojnë errësirën,

rrjedh misteri.

E panjohur ardhja,

pa emër ikja.

Ca dëshira plot afsh pluskojnë në ajër,

si copëza yjesh nëpër univers.

Shumë mendime që fshihen pas shpresës,

si xixëllonjat nëpër bar.

Një trishtim i kaltër përqafon

disa flutura të akullta vetmie,

dhe lumturia rozë mbështjell

plot pasion trëndafilat e saj.

Në ajër lundron aroma e jargavanëve të harresës,

ndërsa fantazia e hirshme

lahet në lot zambakësh.

Tej në kufirin e delirit,

vuajtjen e varrosin shpirtrat që qeshin,

gjersa përbindëshat zgjohen e zanat vdesin.

NATA puthet me

MËNGJESIN!!!!!!!!!!!!!!!!!!!!!!!!!!!! .

POEZIA IME

Pa detin poezia ime s’do kish kuptim

Pa dashurinë tënde kurrsesi.

Pa natën, hënën, perëndimet

Ajo do të ishte krejt mërzi.

Ç’kuptim do të kishte vargu pa ty

Pa universin, pranverën në lulëzim.

Pa kaltërsinë, yjet, kometat,

Vargu do të quhej: Mjerim!

Ndaj stinës mbledh gjethet e rëna

Ndjek pas valën që më shket.

Grimcat e borës ngatërroj nëpër gishta

Ndjek pas fluturat ti jap vargut jetë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30