Pilo Zyba: DRITARJA E KONKURSIT - manjola brahaj - lexoni- vlerësoni

nga **Agim Gashi** Tue Apr 13, 2010 1:21 am

MANJOLA BRAHAJ

Pilo Zyba: DRITARJA E KONKURSIT - manjola brahaj - lexoni- vlerësoni

Duke filluar nga sot, poezitë që paraqiten në dritaren e talenteve, janë ato që marrin pjesë në konkurs.
U lutem, jepni mendimet dhe vlerësimet tuaja.
Me respekt

PILO ZYBA

VETËM UNË

Do të ta çmend sintaksën shpirt,
Dhe pse është kulla e fundit
Do të ta bëj rrush e kumbulla.
Veç pasthirrmat do t’i përdorësh.
Kallzuesit do të t’i pres në besë.
Kryefjalës s’do t’i lë dashnorë të tjerë.
Për ty do të ekzistojnë nëntëdhjetëenëntë
rrethanorë vendi
e gjashtedhjetëenëntë mënyre.
Me ty do të jetë si i marrrë
në një vend të vetëm, i pangopur,
vetori i vetës së parë.

***

Si Prometeu pas shkëmbit
të trupit tënd jam mbërthyer.

Gjithnjë si çekan kujtimesh
godas në po të njejtën pikë.

Kthehem tek ti.

Si shkaba të të ha zemrën
me gjithë mëlçi.

***

Hënën e kam ngrënë e kam bërë gjysmake
Detin e kam vrarë e lidhur si qen
Kujën e kam lëshuar në heshtjen e një nate
Statujat ia kam thyer Akropolit tënd.

Jam bërë plakë shtrigane që tremb
veç fëmijë e që s’ka miq, as bukë as fjalë.
Do lëshojë kujën prapë deri sa të çmend
të të mbyll në çmendinën e zemrës valë.

Mes skeleteve, kufomave të botës synxjerrë
Veç me ty do të jem më shumë se mish e gjak.
Do vë kujën heshtjen për të bjerrë
që në flokët e venave të biesh nga pak.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30