Mentor Thaqi: Jubile! Në 100 përkatësisht 20 Vjetorin e Tubimeve madhështore te Verrat e Llukës!

nga **Agim Gashi** Sat Apr 17, 2010 1:57 pm

Mentor Thaqi: Jubile! Në 100 përkatësisht 20 Vjetorin e Tubimeve madhështore te Verrat e Llukës!

“Verrat e Llukës,,me pamje të re për shënimin e dy përvjetorëve

Vendi historik “Verrat e Llukës”, pak ditë para se të vijë dita e shënimit të dy përvjetorëve të historisë sonë kombëtare, ka marrë një pamje të re. Derisa, ekskavatorët e firmës private të biznesmenit Adem Rrustemaj, falas kanë bërë rrafshimin e terrenit, qytetarët bashkë me nxënësit e fshatit Llukë e Epërme të Deçanit, vullnetarisht po punojnë në përgatitjen e ambientit për ditën e madhe-shënimin e 100-vjetorit të Lidhjes Shqiptare dhe të 20 vjetorit të pajtimit të gjaqeve e cila do të shënohet me një tubim gjithë popullor me një maj të këtij viti.Rasim Selmanaj, kryetar i komunës së Deçanit, në patronatin e të cilit do të mbahet ky manifestim gjithëkombëtar, është shprehur i kënaqur me dinamikën e përgatitjeve. “Gjithçka do të jetë gati për ditën e madhe- këta dy përvjetor të historisë kombëtare që kanë lënë vulën e bashkimit për çlirimin e trojeve tona, duke nisur me pavarësinë e Shqipërisë dhe më pastaj edhe të Kosovës”, ka thënë ai, duke treguar pastaj se një maji, në këto hapësira do të mbledhë mijëra qytetar nga të gjitha trojet etnike shqiptare. Sipas tij, për këtë manifestim janë bere të gjitha përgatitjet e nevojshme. Ekziston një vullnet i madh i qytetarëve që të punojnë vullnetarisht për rregullimin e këtij ambienti, i cili është edhe vendi e kuvendi i dy ngjarjeve të mëdha të historisë sonë. Nga ana tjetër ai tregon për konfirmimin e pjesëmarrjes së autoriteteve të larta shtetërore dhe politike nga të gjitha viset shqiptare, ndërkohë si edhe për projektin e përgatitur enkas për këtë përvjetor.
Derisa, Selmanaj, i thotë këto fjalë në vendin ku po përcillte punimet në rregullimin e hapësirave, të mbuluara deri para pak ditësh me hedhurina, qytetarët të shumët dhe nxënës të fshatit Llukë e Epërme, vazhdonin punën e tyre.

(Marrë nga autorësia e linkut të: Yllarta Thaqi)

Të nderuar bashkëvendas, Yllartë e dashur, ju falemnderit për punën e mrekullueshme që po bëni me
Kryetarin Selmanaj dhe Stafin tuaj. Ky është sihariq shumë i mirë për ne Mërgimtarët!

Te Verrat e Llukës

Herën e parë, qe Gjyshi,
n´mirëseardhje,
t´Mezhlisit të Katër Vilajeteve!
Dyert e Oborreve hapur,
- Bukë, krypë dhe dardha hasi,
Kullat çergë mbi kashtë
me bollëk,
mbi pesëqind konaqe në këmbë!
Krentë, erdhën e shkuan,
lanë fjalën peng të besës
dhe vargjet në dy tela:
- N´Verra t´Lluk´s e n´Qafë t´Morin´së, ...
për jehonën e kushtrimit të nesërm!

Herën e m´ramë,
unë me veshët e mi,
brohoritjet, kapa.
Thanë, Dynjaja kishin ardhur!
- Gjaqet i marrim gjetkë,
e jo në vllazni!
Dhe, foli Baca Zeqë,
për katund e sheher,
dikush tha: Shaban Binaku, vetë!

Mentor Thaqi Gjerman i- VS., 01.03.2010

Mentor Thaqi: Jubile! Në 100 përkatësisht 20 Vjetorin e Tubimeve madhështore te Verrat e Llukës! 24020_113472225348858_100000582437455_152044_5108893_n

Mentor Thaqi: Jubile! Në 100 përkatësisht 20 Vjetorin e Tubimeve madhështore te Verrat e Llukës! 24020_113472298682184_100000582437455_152045_916249_n

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31