Shënohet 20 vjetori i pajtimit të gjaqeve në 'Verrat e Llukës'

nga **Agim Gashi** Sat May 01, 2010 11:31 am

Shënohet 20 vjetori i pajtimit të gjaqeve në 'Verrat e Llukës'

Gjithçka është gati për shënimin e 100-vjetorit të Besëlidhjes dhe të 20-vjetorit të pajtimit të gjaqeve. Kështu, ka bërë të ditur Këshilli Organizativ i këtij manifestimi, i cili mbahet sot me 1 maj nën patronatin e kryetarit të Komunës së Deçanit, Rasim Selmanaj.
“Të shtunën të gjithë në vendin historik “Verrat e Llukës” i është bërë thirrje publike të gjithë bashkëkombësve nga gjitha trojet shqiptare për të shënuar këta përvjetor, të cilat kishin bashkuar shqiptarët në luftën e tyre të armatosur për pavarësinë e Shqipërisë dhe ndërkohë, edhe të shtetit të pavarur të Kosovës.
“Gjithçka është gati për ditën e madhe”, ka thënë Rasim Selmanaj, kryetar i Komunës, i cili është vënë në ballë edhe të Këshillit Organizativ për shënimin e këtyre dy përvjetorëve të historisë sonë.
Sot, të gjitha rrugët do të bashkojnë bashkëkombësit në vendin historik “Verrat e Llukës” në Deçan, ndërsa deçanasit do të mirëpresin të gjithë pjesëmarrësit e këtij manifestimi gjithëkombëtar, ka konfirmuar ai, duke treguar se janë bërë të gjitha përgatitjet e nevojshme. Fal donatorëve dhe sidomos biznesmenit Adem Rrustemaj, është bërë rregullimi i të gjitha hapësirave. Po ashtu, janë bërë edhe të gjitha përgatitjet tjera të nevojshme, ngase presim që në këtë tubim gjithëkombëtarë të marrin pjesë qindra mijëra qytetarë nga të gjitha trojet shqiptare, ka thënë kryetari Selmanaj.
Sipas tij, ardhjen e tyre e kanë konfirmuar edhe personalitete të institucioneve të vendit, lider partish, veprimtar të çështjesh kombëtare, të pajtimit të gjaqeve etj. Ndonëse, ky manifestim i përkushtohet shënimit të këtyre dy përvjetorëve, begatia e tij do të shtohej edhe në vazhdimin e traditës. Për këtë qëllim enkas për këtë, kohë më parë është vënë në veprim edhe Këshilli i Pajtimit, i cili ka intensifikuar aktivitetin e tij në këtë komunë dhe më gjerë. Nasim Haradinaj, kryetar i këtij këshilli, beson se pjesë e këtij manifestimi do të jetë edhe shtrirja e dorës së pajtimit të familjeve në ngatërresa të ndryshme. Ai në emër të këtij këshilli u ka bërë thirrje publike të gjitha familjeve se tek “Verrat e Llukës”, është vendi dhe Kuvendi, të falin, ashtu siç kishte ndodhur edhe para 20 vitesh, ku nën tytat e armikut, të gjitha faljet ishin në emër të Kombit, flamurit dhe Kosovës.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30