Liderët serb të Kosovës i bashkohen NATO-s, kërkojnë inkuadrimin e serbëve në FSK

Liderët serb të Kosovës i bashkohen NATO-s, kërkojnë inkuadrimin e serbëve në FSK




Liderët serbë të Kosovës u kanë bërë thirrje bashkëqytetarëve që sa më parë të rekrutohen në Forcën e Sigurisë së Kosovës. Por serbët e Graçanicës janë të paharmonishëm rreth rekrutimit të tyre në FSK-ë. Ndryshe një grup i të rinjve serbë të Rahavecit i ka dërguar një ultimatum ministri serb për Kosovën, Goran Bogdanoviq, se nëse Qeveria e Beogradit nuk u gjen punë ashtu siç u kishte premtuar ata do të rekrutohen në Forcën e Sigurisë së Kosovës. Përfaqësuesi i serbëve të Rahovecit, Milorad Shoriq, i ka deklaruar agjencisë serbe të lajmeve BETA, se këta të rinj për shkak të kushteve të renda ekonomike kanë paralajmëruar se do të futën në FSK dhe në Policinë e Kosovës ku edhe është i hapur një konkurs për 15 policë nga komuniteti serb.Partitë politike serbe që veprojnë në Kosovë, janë pro inkuadrimit të këtij komuniteti në FSK-. Kreu i Partisë Liberale të Pavarur, Slobodan Petroviq, u ka bërë thirrje serbëve të Kosovës që të rekrutohen në Forcën e Sigurisë së Kosovës. Ai ka thënë se është më mirë të jenë pjesë e FSK-së se sa të mbesin jashtë saj. Petroviqi ka theksuar se nuk ka asgjë të keqe të rekrutohesh në këtë forcë. Madje ai e ka siguruar komunitetin serb se kjo forcë do të jetë në shërbim të tyre edhe do të jetë një forcë e kontrolluar nga NATO-ja. Edhe ministrat e mbrojtjes të vendeve anëtare të NATO-s u kanë bërë thirrje serbëve të Kosovës që të rekrutohen në Forcën e Sigurisë së Kosovës sa më shumë që të jetë e mundur. Por oferta e Qeverisë së Kosovës për komunitetin serb nuk përfundon vetëm më rekrutimin e tyre në FSK-së, ngase qeveria, këtij komuniteti ia ka siguruar edhe postin e zëvendësministrit të dytë në Ministrinë e FSK-së. Petroviqi ka thënë se është në dijeni për një ofertë të tillë. Por ai ka deklaruar se ende nuk ka pasur bisedime me Qeverinë e Kosovës për këtë gjë. Megjithatë ai ka thënë se nëse i bëhet një ftesë zyrtare, atëherë ai do të zgjidhë një person adekuat dhe serioz për këtë post të rëndësishëm. Ndërkaq shefi i ekzekutivit, Hashim Thaçi, së shpejti pritet që edhe zyrtarisht t’u bëjë ftesë partive politike serbe për të propozuar dikë që ta marrë postin e zëvendësministrit në FSK. Këtë ia ka bërë të ditur Kohavisionit zëvendëskryeministri i Kosovës, Hajredin Kuçi, i cili ka theksuar se qeveria është mjaft e interesuar që në strukturat udhëheqëse të Ministrisë së FSK-së të jetë i përfshirë komuniteti serb.

ktv