LDK e LDD, kërkojnë bashkimin, liderët kundërshtojnë!

LDK e LDD, kërkojnë bashkimin, liderët kundërshtojnë!

Besnik Boletini
Aktivistë dhe udhëheqës të të dy partive politike kanë shpeshtuar kërkesat për bashkimin e dy partive të një etnogjeneze, LDK-së e LDD-së në ndërkohë që liderët e këtyre partive heshtin ose kundërshtojnë




"Esenca e mundësisë së unifikimit të LDK-së dhe LDD-së, qëndron në tejkalimin e shumë dobësive të cilat po përcjellin edhe LDK-në edhe LDD-në, nuk ka nevojë sot LDK-ja të jetë “bisht” i pozitës, e as LDD-ja të jetë “bisht” i opozitës”, u shpreh Ramosaj.

Çështja e bashkimit eventual në mes të Lidhjes Demokratike së Kosovës dhe Lidhjes Demokratike të Dardanisë, kohëve të fundit është tema më e përfolur jo vetëm nga mediat, por edhe nga disa anëtarë e aktivistë të këtyre dy subjekteve politike. Pas disa konsultimeve dhe analizimit të kësaj çështje, nënkryetari i LDD-së Berim Ramosaj vendosi që të dalë publikisht dhe të shpreh gatishmërinë e tij për të bashkuar këto dy parti. Deputeti Ramosaj tha së këtë vendim e kishte marr duke pas parasysh së është kërkesë e elektoratit të dy partive. Sipas tij situata aktuale në të cilën janë dy partitë nuk është e përshtatshme për asnjërën, pra që të dyja kanë mbetur në pozicione të volitshme. “Duke u nisur nga fakti se dallimi në mes LDK-së dhe LDD-së është aq sa është dallimi në mes të Kosovës dhe Dardanisë, intenca ime dhe e shumë të tjerëve është që të hyjmë në procesin të unifikimit të elektoratit të këtyre dy partive. Ky proces nuk ka ardhur ende në nivele të kuorumeve partiake, është ende në nivel individësh, është ende në nivel të elektoratit të dy partive, por qëllimet janë nga ato me të mirat. Duke marr parasysh qëndrimet kontradiktore të udhëheqësve të LDK-së dhe LDD-së, Ramosaj i bëri thirrje dy udhëheqësve politikë të këtyre partive që të kontribuojnë për bashkim, dhe rikujtoi se LDK-ja si lëvizje politike ka qenë shembull jo vetëm për politikën dhe demokracinë e Kosovës, por edhe të Evropës Juglindore.
Ndërkaq Lutfi Haziri anëtar i Kryesisë së LDK-së, ka qenë më i “rezervuar” ndaj kësaj kërkese. “Nuk do ta specifikoja që LDK-ja ka biseduar për këtë çështje. Ne si subjekt politik jemi të hapur dje ju e dini së LDK-ja ka si qëllim ri kthimin e anëtarësisë tradicionale, që nënkupton se ata që kanë votuar për partitë e tjera, apo nuk kanë dal fare në zgjedhje të na kthehen. Ne jemi të hapur vazhdojmë të jemi ofertues, në këtë drejtim pa asnjë problem. LDK-ja është gatshme që të mobilizojë strukturën e vete politike dhe t’i ofrojë mundësi çdo individi, grupacioni apo strukture që të jetë pjese ë përbashkët punës”, tha Haziri.
Ndërsa Ismet Beqiri, tha se ekziston një vullnet i brendshëm në LDK për bashkim me LDD-në. “Zëri me i fuqishëm për bashkim, është zëri i anëtarësisë së gjerë. Këtë e them sepse jam nënkryetar i një dege dhe mund të them së në përgjithësi dominon një vullnet brenda LDK-së dhe sinjale të tilla ka edhe nga LDD-ja”, theksoi Beqiri. Sipas tij tendencat e para për bashkim kanë qenë edhe me herët, por ka munguar një konkretizim. “Si anëtar i kryesisë mund të them me përgjegjësi se disa kontakte për këtë çështje janë bërë edhe para një viti , dhe kësaj duhet që ti paraprij diçka, të bëhen bisedat dhe pastaj të bëhen konkretizime , por një gjë është e qartë se LDK-ja do të jetë edhe me e fuqishme nëse i kthehet anëtarësia që e ka pas”, u shpreh Beqiri.
Në ndërkohë përderisa lideri i LDK-së Fatmir Sejdiu e ka ngrirë postin e tij në LDK, kryetari i LDD-së Nexhat Daci i ka quajtur propozime individuale kërkesat për bashkim të këtyre dy subjekteve poltike.