Policia e EULEX-it bastis Ministrinë e Transportit

nga **Agim Gashi** Wed Apr 28, 2010 8:47 pm

Policia e EULEX-it bastis Ministrinë e Transportit

Policia ka bastisur një numër vendesh përfshirë edhe ndërtesën e Ministrisë së
Transporteve dhe Telekomunikacionit, që drejtohet nga Fatmir Limaj dhe
që është ministria me buxhetin më të madh në qeverinë e Kosovës.

Forcat e rendit të Bashkimit Evropian në Kosovë kanë bastisur Ministrinë e
Transportit dhe Telekomunikacionit në Prishtinë, ka bërë të ditur
agjencia e lajmeve AP. Misioni evropian për sundimin e ligjit, EULEX, ka
njoftuar se sot "në orën 15:55, Departamenti Ekzekutiv i Policisë së
EULEX-it ka bastisur disa lokacione në rrethinë dhe brenda Prishtinës".
Një zyrtar i ka thënë agjencisë së lajmeve AP se “Policia e Bashkimit
Evropian i ka bastisur zyrat e Ministrisë së Transportit dhe ka
shoqëruar jashtë shumicën e të punësuarve”.
AP ka cituar Besim Reçicën, zyrtar i prokurimit nga Ministria e
Transportit dhe Telekomunikacionit, të ketë thënë se "rreth 30 policë
hynë në ndërtesën" e ministrisë.
Policia e EULEX-it bastis Ministrinë e Transportit 6bastisje-2_3

Policia e EULEX-it bastis Ministrinë e Transportit 6bastisje-2_3

Më herët, misioni evropian për sundimin e ligjit, EULEX, ka njoftuar
se sot "në orën 15:55, Departamenti Ekzekutiv i Policisë së EULEX-it ka
bastisur disa lokacione në rrethinë dhe brenda Prishtinës".
Në komunikatë thuhet se "kjo është pjesë e vazhdës së hetimeve që
udhëhiqen nga Zyra e Prokurorit Special në Kosovë (PSRK)".
Ministri i Punëve të Brendshme, Bajram Rexhepi, tha të mërkurën
pasdite se nuk ka njohuri të plota rreth këtyre aksioneve të policisë së
EULEX-it.

Ai vuri në dukje se nëse misioni evropian ka argumente "është koha të
veprohet dhe të kryhen arrestime ndaj kujtdo që është përfshirë në krim
të organizuar dhe korrupsion".

Lufta kundër korrupsionit është cilësuar si përparësi e punës së
EULEX-it por edhe Qeverisë së Kosovës. Kryeministri i vendit Hashim
Thaçi, ka theksuar se kjo luftë do të jetë e pa kompromis, ndërsa ka
kërkuar që sistemi i drejtësisë në vend të reformohet shpejt dhe të
kryejë funksionet që i takojnë.