Ata që i dhanë grusht komunizmit në Shqipëri

nga **Agim Gashi** Fri Jun 18, 2010 12:45 am

Ata që i dhanë grusht komunizmit në Shqipëri

Beqir Sina, New York
Shoqata anti-komuniste "16 qershori"

Dekoruar nga Presidenti Demokratë Dr, Sali Berisha me titullin "Martirë i Demokracisë". Edhe, nga Këshilli i Bashkisë së Shkodrës dëshmori i demokracisë, i riu 17 vjeçar Pellumb Pellumbaj është nderura me titullin"Qytetar Nderit".

BRONX NY : Kur ulesh të shkruash për Shkodrën dhe Nju Jork-un, në mëndje të ç'donjërit ka një kompleksitet mendimesh e ndjenjash të përziera. Dy qytete të ndryshme, njëri metropoli i botës dhe tjetri "qyteti i civilizimit shqiptarë". Kur vjen 16 qershori mua më shkon ndërmend menjëherë se çfarë e lidh "Shkodrën - time" me Nju-Jork-un ku banojë, duke u nisur nga një ndjenjë e thellë që mendojë se i afron edhe më shumë këto dy qytet, është ajo që i lidhë fortë me dhimbjen e 16 qershorit dhe 11 shtatorit. Së pari për hir të së vërtetës duhet pranuar se Shqipëria, një vend i vogël - në zemër të Evropës, me vuajtjen dhe persekutimin më të gjatë dhe më të madh, gjatë regjimit komunist, ka disa qytete, si Shkodra, Tirana, Kavaja, Durrësi, Korça, Vlora, Elbasani të cilat sot, pas 20 vjet demokraci dhe rënjes së komunizmit janë bërë simbole kombëtare të qëndresës anti -komuniste dhe qytet që luajtën një rolë historik në rrëzimin e komunizmit në Shqipëri.
Shkodra bastion i demokracisë shqiptare
Andaj Shkodra është i vetmi qytet deri tash në Shqipëri, i cili ka në mes të qytetit që përmendore që shënon 16 qershorin si simboli i persekutimit simbol të qëndresës anti-komuniste shkodrane.
Shkodra qyteti simbolit të demokracisë "përshëndetet" ç'do ditë me Nju Jorkun e simbolit të lirisë. Shkodra, bastioni anti-komunistë, që i dha kombit mijëra dëshmorë të demokracisë, luftës së egër anti-komuniste. Ajo(Shkodra), është i vetmi qytet shqiptarë që ka Shoqatën Anti-Komuniste "16 Qershori", dhe e përkujton çdo vite këtë datë, si dita e vrasjeve mizore në kufi. Datë kjo, që pikon ende gjak dhe dhimbje në zemër të nënave, baballarëve,motrave, vëllëzërve, familjeve e të gjithë shqiptarëve.
Shkodra, është një qytet që bëri përpjekjet e para për Demokraci në Shqipëri, thotë Nikoll Pëllumbaj, babai i viktimës që u masakrua barabrisht nga dora vrastare e regjimit komunist. Ai para disa viteve në Nju Jork, do të sillte kujtimet e lëvizjes anti - komuniste në Shkodër. "Në shkurt të vitit 1989, tregonte Nikoll Pëllumbi, u zhvillua kremtimi fetar, në Shkodër - pasi Komunizmi kishte mbyllur Kisha e Xhamija, kishte prishur varreza. Duke sjelë në këtë 16 qershor, kujtimet e tij thuhet se "Kremtimi fetar, u bë me iniciativën e rinisë dhe të popullit shkodran, ku sipas tij të gatshëm qenë Pater Zef Simon Jubani dhe Hoxha Sabri Koçi, të cilët e kanë kaluar të gjithë jetën e tyre nëpër burgje komuniste. Më pas me 11 janar 1990, u bënë përpjekjet për heqjen e bustit të diktatorit ndërkombëtar Stalinit.
Dëshmitari okular i asaj kohe rrëfeu sesi presidenti Komunist Ramiz Alija, mendoi për të mashtruar Amerikën, shtetin që është i pari në botë e zhduku komunizmin dhe shteti simbol i luftës kundra bishës së egër komuniste. Shpalli heqjen e ligjit për vrasjet në kufi, dhe dekretoi Ligjin e ri. Nr. 7380, me dt. 8 Maj 1990 sipas të cilit, kalimi i paligjshëm dënohej me gjobë ose disa muaj burg. Ko ishte tradhtia më e madhe që iu bë Kombit Shqiptar për 50 vjet të Komunizmit. Kësaj rinie që ishte në lulen e jetës. Kjo kurdisje politike, u bë në bashkëpunim me Kryetarin e Partisë Komuniste të Shqipërisë zgjedhur në Kongresin e 10 të P. P. Sh. , pra Presidenti Ramiz Alija e Kryetari i Partisë Fatos Nano, e më vonë Kryeministër e bashkë me ta Ministri i Brendshëm Simon Stefani, Hekuran Isaj, Gramoz Ruçi."
Krimet e komunizmit në Shqipëri
Ai vijoi duke thënë se "Shkodra është e para në Shqipëri që i doli për zot kësaj shtrese. Me kufomën e të riut të masakruar në supe populli dhe rinia shkodrane bëri një marshim që zgjati për dy orë me thirrjet Poshtë komunizmi, poshtë socializmi, poshtë Presidenti Komunist Ramiz Alija, ja shikoni se çfarë ka bërë e çfarë po vazhdon të bëjë kulçedra e kuqe, duke vrarë djemtë tanë në kufi vetëm e vetëm se kërkojnë liri. Poshtë Ramiz Alija, Poshtë Nexhmije Hoxha. Rroftë Presidenti Amerikan George Bush. Me të mbaruar kjo demonstratë, ka treguar për gazetën tonë Nikoll Pëllumbi, ku morën pjesë me mijëra qytetarë shkodranë, kryetari i Degës së Shkodrës, Çapajev Taçi, me sigurimin e shtetit për të nxjerrë në pah pjesëmarrësit, bënë filmimin e demonstratës, dhe filluan arrestimet, pasi vrasjet ishin të pamundura sepse në të morën pjesë me mijëra vetë. Aty rreth orës 12 të natës po të kësaj date, u arrestuan më shumë se 50 vetë, me akuzë politike për përmbysjen e pushtetit popullor me dhunë, dënimi shkon deri në pushkatim. Në këtë torturim të këtyre demostruesve, morën pjesë kryesore ata që sot drejtojnë SHIK - un e Shkodrës.
Presidenti komunist Ramiz Alija, i cili sot është në pension, pension i cili u aprovua nga Parlamenti, i dalë që në 1997, i cili liroi nën akuzë të gjithë të akuzuarit për krime kundër njerëzimit, që nga Presidenti Komunist Ramiz Alija, Kryeministri e Kryetari i Partisë Fatos Nano, Ministrat e Brendshëm Simon Stefani, Hekuran Isaj e Gramoz Ruçi, që sot drejtojnë Parlamentin dhe qeverisjen e shtetit shqiptar, nën drejtimin e Kryekriminelëve dhe mashtruesit Fatos Nano, Skënder Gjinushit, kryeparlamentari e shfuqizoi me anën e këtij Parlamenti krimet ose ligjin për krime, duke thënë se për 50 vjet në Shqipëri nuk ka pasur krime kundra njerëzimit. Këta ishin vetë të implikuar në këto krime kundër njerëzimit. Familja i pat kërkuar Presidentit Ramiz Alija, marrjen e kufomës, por ky ia refuzoi. Atëhere me kë krahasohet ky kriminel?, pyet ai " Po kështu ka ndodhur me tri femra të tjera, të cilat janë dorëzuar në postën kufitare Belaj, të cilat i kanë vrarë dhe më pas i kanë hedhur në Bunë. Komshinjtë përtej kufirit, i kanë gjetur këto kufoma në Bunë, lakuriq, i kanë veshur, pastaj i kanë varrosur të quajturat Zade dhe Liljana Palma, ndërsa ajo e para quhej Dhurata Sokoli. E sa e sa të rinj janë gjetur të vrarë në Liqenin e Shkodrës, e më pas të lidhur e të masakruar me tela me gjemba, e duke i shëtitur nëpër rrugët e qytetit, për të frikësuar popullin. Por kjo rini dhe populli shkodran nuk u frikësua, bëri demostratë pas demostrate. Si demostratë 16 Qershori, kundër Presidentit Komunist Ramiz Alija dhe të vejës së Diktatorit Nexhmije Hoxha që u morën jetën qindra të rinjve e çka është më poshtëruese, është përdhunimi i kufomave. Demonstrata të tjera si ajo e 13 Dhjetorit, 2 Prillit, ku rinia dhe populli kërkojnë me këmbëngulje dhënien e rezultateve të zgjedhjeve.
Ndërkohë Shoqata Antikomuniste "16 qershori 1990" Shkodër, së bashku me shoqatën e sajë anti-komuniste në Nju Jork, pesë vjetë më parë i bënë thirrje të gjithë patriotëve e demokratë shqiptarë në SHBA, duke ju drejtuar atyre me thirrje: Shoqata thoshte se vrasjet në kufi j'a kalojnë çdo lloj krimi që mund të ketë ekzistuar në historinë e njerëzimit. Këto, vrasje që prekën gjithë Shqipërinë, dinë ti tregojnë më së mirit edhe shkodranët. Të gjithë ata që i kanë parë me sytë e tyre, e n veçanti vitet 1989 - 1991 . Ju të gjithë e dini thuhet në thirrje se rinia Shkodrane duke parë hapur këto vrasje mizore me tortura çnjerëzore të shokëve e shoqeve të tyre nga dora kriminale e regjimit që komunistë. Vunë jetën e tyre para vdekjes me idealet e demokracisë vdiqën si me le . Organizuan demonstratën e parë anti-komuniste, ku simbol i kësaj demonstrate u bë i riu 17 vjeçar Pellumb Pellumbaj.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30