Jeton Muçollari:Poezi

nga **Agim Gashi** Tue Jul 06, 2010 7:38 pm

Jeton Muçollari

Poezitë janë marrë nga libri '' Dhimbjen në poezi e kam kthyer'' sh.b. Toena 2009

Pas në vite kokën nuk e kthej

Nëse kthej kokën nëpër vite pas,
Krater vullkani i shuar më duket,
Kam frikë se mos rrëshqas
Dhe ai frikshëm aktivizohet.

Pas nëpër vite kokën nuk e kthej,
Rënkimi i kujtimeve frymën ma merr,
Mugëtira e trishtimit vjen prej andej,
Me qetësinë e tanishme do të bëjë sherr.

Muze vuajtjesh me dryn mbërthyer,
Është koha e viteve të shkuara,
E theva çelësin për të mos hapur ato dyer,
Le të mbeten përjetësisht të harruara.
25 gusht 2007

Brengë liqeni

Ku më çon moj varkë
Në këtë kaltërsi,
Si anije kozmike
Për eksplorim të ri.

Aty ku toka e qielli
Kanë të njëjtën ngjyrë,
Rrezet që derdh dielli
Liqenin kanë pasqyrë.

Aty ma kish ënda
Të veja kur isha djalë,
Kur kisha rënë brenda
Nga dashuria e parë.

Për pak kohë të humbisnim
Në parajsën e dashurisë
Dhe kurrë s’do ta grisnim
Këtë kujtim të rinisë.

Gjithë liqenin tani e shëtis,
Po zemra s’më gëzon,
Brengën e largët s’po e shqis,
Se dashuria e parë më mungon.

10 shtator 2007

nga **Agim Gashi** Tue Jul 06, 2010 7:44 pm

Dergoi:Haxhi Muhaxheri

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

Jeton Muçollari:Poezi

Jeton Muçollari:Poezi

Re: Jeton Muçollari:Poezi