“Dimensionet e fshehura” të piktorit Ali Sinani

nga **Agim Gashi** Thu Sep 02, 2010 9:09 pm

“Dimensionet e fshehura” të piktorit Ali Sinani

Rexhep Rifati, Cyrih
Ju prezantojmë artistët tanë në mërgatë

Moment nga hapja e një ekspozite kolektive , ku edhe punimet e Ali Sinanit ishin në qendër të vëmendjes.

Disa nga piktorët shqiptarë në Zvicër tashmë kanë krijuar emër në botën e artit të këtij vendi, duke qenë pjesëmarrës aktiv me ekspozita qoft personale apo kolektive.- I tillë është edhe piktorit akademik Ali Sinani, me prejardhje nga fshati Dobërdoll i Maqedonisë (diplomuar në akademinë a artit në Shkup), me banim në St.Gallen. Ai padyshim hynë në radhën e piktorëve të suksesshëm shqiptar në Zvicër, ngase me punimet e tij ai vëtëm sivjet ka qenë i pranishëm me disa ekspozita, madje me artistë eminent zviceranë e autorë të tjerë që jetojnë në këtë vend. Në këtë kuadër gjatë muajve të verës ai bashkë me piktoret, Ursula Franguiadakis,, Silvia Jelitto, Zeljka Bratoljic-Melkay , Luana Sacchetti,,,Melanie Ramella dhe Gisela Zimmermann mori pjesë në një ekspozitë të përbashkët.
Ishte kjo ekspozita e dhjetë kolektive, me artistë të ndryshëm nga Evropa, me emërtimin: “Ëndrra dhe realiteti” në Galerinë Nordstrase në Cyrih, ku në mesin e disa autorëve u ekspozuan edhe 8 punimet e Ali Sinanit . Ditë më parë zhvilluam një dialog me këtë piktor.
Cila ishte tematike e punimeve në këtë ekspozitë?
-Por dallim nga herat tjera, kësaj radhe prezantohem me 8 piktura vaj në pëlhurë, me motive nga jeta e përditshme , me emërtimin :”Dimensionet e fshehura të jetës”. Ku këto motive jam munduar që gjatë pikturimit , sipërfaqen e pikturës ta paraqes në aspekt estetik, sa më inspirativ, me perspektiv dhe në vijën përfundimtare sa më të përsosura. Ndërsa elementet që i paraqes në punimet e mija mundem ti definoj abstrakte-asociative, sepse si bazë mundohem të hetohet një lehtësi dhe freski në kolor, ngjashëm siç janë treguar edhe në natyrë
Po cilat janë idetë e motiveve, që zakonisht të inspirojnë?
-Ideja nxit guximin e krijuesit për tu ballafaquar me të panjohurën dhe për ta njoh atë më mirë, ku dhe si duhet ta njoh realitetin e veprës. Veprat përmes motiveve :”Realja figurative”, synoi të sjellë dimensionet e fshehura të jetës përmes abstraktes dhe asociativës, pasi veprat e mija janë kompozime formash dhe ngjyrash si rezultat logjik i ndryshimit të konceptit të vlerës artistike, ku vlera nuk lidhet me subjektin por me formën dhe ngjyrën, ku arri ti shprehi ndjenjat e brendshme , vuajtjet shpirtërore , vrazhdësinë e jetës apo shpresën e fshehur për ti dhënë fund të keqes dhe për ti përballur të gjitha këto sfida njerëzore që janë pjesë e kompozimeve strukturore të kërkimit ornamental të ngjyrës. Ku bazë është vizatimi që i siguron krijuesit një konstruksion të fortë dhe ku përmes ngjyrës arrij botën e dëshirave .
Si e shpreh në pëlhurë botën tënde të brendshme ?
-Zakonisht, inspirimi që vjen nga pikturat e mija, hap çështje që kanë të bëjnë me psikologjinë e punimeve sesa me vet artin ku shprehi gjendjen shpirtërore –gëzimin, gjendjen gazmore të cilën e reflektojnë pikturat , ku mënyra e ndërtimit të ngjyrës , gjithashtu është tipar dallues dhe plotësues i të shikuarit, pasi ato sjellin koloritin e kategorisë së ngjyrës paqësor, që buron nga thellësia e shpirtit. Në veprat e mia dua të krijoj lidhshmërinë ndërmjet spektrit tim për realitetin dhe ndjenjave të mija , ndaj edhe ato synojnë në udhëheqjen e përjetuesit të saj në dimensionet e fshehura të jetës dhe natyrës.
A mund ta veçosh ndonjë citat nga kritikët e njohur zviceran ?
“Përderisa disa nga pikturat në vaj reflektojnë qetësi dhe harmoni, tek të tjerat eksplodon bota ndjesive e piktorit, Ali Sinani , ka potencuar gjatë një prezantimi, kritiku zviceran i arteve Andreas Schütz.
Dhe derisa flasim për një ekspozitë të posa përfunduar ku mori pjesë piktori akademik Ali Sinani, përgatitet për pjesëmarrje në ekspozitat tjera siç është rasti me ekspozitat tjera: në shtatorin ne sivjetmë ai hap një ekspozitë personale në muzeun e qytetit të Shkupit , ndërsa në marsin e vitit të ardhshëm merr pjesë në një ekspozitë internacionale në Galerinë e Marziart- Berlin, ndërsa në Tetor 2011 merr pjesë në Galerinë “Böhner” në Manheim të Gjermanisë. Do theksuar se ky piktor është edhe fitues i çmimit vjetor “Agim Ramadani”, ndërsa që shpërblimeve ka fituar edhe çmimin ai ka studion e tij të artit me emërtimin “Studioi-arti” në qytetin e St. Gallenit, ku edhe jeton e punon.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30