U ekstradua Dedë Gecaj nga Kosova në Zvicër

nga **Agim Gashi** Thu Sep 02, 2010 9:12 pm

U ekstradua Dedë Gecaj nga Kosova në Zvicër

Gecaj, është kërkuar nga autoritetet zvicerane për dyshimin e kryerjes se veprave penale të vrasjes në kundërshtim me ligjin aplikueshëm penal në Zvicër.

Ministria e DrMinistria e Drejtësisë ka kryer ekstradimin e shtetasit të Kosovës z. Dedë Gecaj, i lindur me datë 7 dhjetor 1957 në fshatin Janosh, komuna e Gjakovës , nga Kosova për në Zvicër. Z. Gecaj, është kërkuar nga autoritetet zvicerane për dyshimin e kryerjes se veprave penale të vrasjes: Vrasje e mundshme me Qëllim; Veprime të shumëfishta seksuale me Fëmije; dhe Dhunim i shumëfishte, në kundërshtim me ligjin aplikueshëm penal në Zvicër.
Vendimin për ekstradimin e Z. Gecaj nga Kosova në Zvicër, Ministria e Drejtësisë e ka mbështetur në:
Aktvendimin e Gjykatës së Qarkut në Pejë të datës 14 korrik 2010, numër reference Pn. Nr. 65/10, e cila në arsyetim konfirmon se të gjitha para kushtet e parapara me ligjin e aplikueshëm mbi ekstradimin e z. Gecaj janë plotësuar,
Aktvendimin e Gjykatës Supreme të Republikës së Kosovës të datës 16 gusht 2010, numër reference: Pn. Kr: 415/10, e cila e vërteton Aktvendimin e Gjykatës së Qarkut në Pejë,
Vendimin për Papranueshmëri të lëshuar nga Gjykata Kushtetuese e Republikës së Kosovës, të datës 20 maj 2010, numër reference: Rk.22/10, Ad hoc marrëveshjen ndërkombëtare të lidhur në mes UNMIK-ut dhe Zvicrës, të datës 20 gusht 2007, lidhur me ekstradimin e z. Gecaj nga Kosova për në Zvicër e aplikueshme në Kosovë sipas nenit 145 të Kushtetutës së Republikës së Kosovës mbi Vazhdimësinë e Marrëveshjeve Ndërkombëtare.
Ministria e Drejtësisë e Republikës së Kosovës është siguruar nga autoritetet kompetente në Zvicër, se z. Gecaj do të ketë gjykim të drejtë, të paanshëm dhe në përputhje me standardet e parapara me konventa ndërkombëtare.
Lajmi për esktradimin e Gecajt ka qenë “top” lajm edhe në disa mediume të Zvicrës. Gecaj është ekstraduar të enjten më 2 shtator në ora 11.30 minuta. Ai është arrestuar më 17 maj të këtij viti dhe është mbajtur në arrst deri në ditën e ekstradimit në Zvicër.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30