Kurti: Jemi të përgatitur për zgjedhje

nga **Agim Gashi** Mon Oct 11, 2010 12:42 am

Kurti: Jemi të përgatitur për zgjedhje

Lideri i Lëvizjes “Vetëvendosje”, Albin Kurti, ka thënë se kjo lëvizje ende nuk është regjistruar në Zyrën për Regjistrimin e Partive Politike pranë KQZ-së, porse një gjë të tillë do ta bëjë shumë shpejt dhe do të jetë e gatshme për pjesëmarrje në zgjedhjet e parakohshme parlamentare.

Të dielën në kryeqytet është themeluar Këshilli për Zhvillimin e Qendrës së Lëvizjes “Vetëvendosje” për komunën e Prishtinës. Me këtë rast, kreu i kësaj lëvizjeje, Albin Kurti ka folur rreth përgatitjeve që po bëhen për pjesëmarrje në zgjedhjet e parakohshme parlamentare, në të cilat “Vetëvendosje” do të marrë pjesë për herë të parë.
”Në zgjedhjet e parakohshme ne do të jemi plotësisht të përgatitur dhe të gatshëm që të marrim pjesë. Deri më tani nuk jemi regjistruar, por të gjitha çështjet procedurale të domosdoshme për pjesëmarrje tonë në zgjedhjet e ardhshme, ne do t'i kryejmë së shpejti dhe me kohë.
Sa i përket çështjes së kandidimit tim ka një kundërthënie midis Kodit Penal të Kosovës dhe Ligjit mbi zgjedhje dhe ka mendime të ndryshme lidhur me këtë nga e ekspertëve juridik, prandaj nuk ka një qëndrim të qartë as nga ana e organeve përkatëse lidhur me mundësinë e këtij kandidimi”, tha Kurti.
Ai gjithashtu ka theksuar se “Vetëvendosje” nuk e përjashton mundësinë e hyrjes në koalicion parazgjedhor me partitë që kanë programe të ngjashme. Ndryshe, Këshilli për Zhvillimin e Qendrës së Lëvizjes “Vetëvendosje” në komunën e Prishtinës i ka 39 anëtarë. Kjo lëvizje deri më tani, ka formuar 15 këshilla të tilla në anembanë Kosovës.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30