Sejdiu injoron deklaratën e Isa Mustafës

nga **Agim Gashi** Mon Oct 18, 2010 6:13 pm

Sejdiu injoron deklaratën e Isa Mustafës

Nga Express më 18 tetor 2010

Sejdiu injoron deklaratën e Isa Mustafës Sejdiu_dhe_Isa_Mustafa

(E plotësuar) Kryetari i LDK’së Fatmir Sejdiu nuk ka pranuar të prononcohet lidhur me deklaratën e sotme të Isa Mustafës.

“Nuk dua të komentojë deklaratat e askujt”, ka thënë Sejdiu, i pyetur nga gazetarët se si e komenton qëndrimin e Isa Mustafës.

Kryetari i Prishtinës ka thënë para disa orësh se ka qenë kundër prishjes së Koalicionit mes LDK’së dhe PDK’së në mënyrën dhe kohën siç e bëri Fatmir Sejdiu dhe njerëzit e tij në kryesinë kësaj partie.

“Unë kam qenë për një mënyrë tjetër të daljes së LDK-së nga koalicioni me PDK-në. Unë kam qenë edhe për një kohë tjetër”, u ka thënë Mustafa gazetarëve.

Zyra për Informim e Kryetarit të Prishtinës dhe LDK’së kanë deklaruar se Mustafa nuk ka braktisur takimin me Sejdiun, por e kanë pasur të pamundur të mohojnë qëndrimin e tij lidhur me daljen nga qeveria.

Sejdiu sot ka pritur në Selinë e LDK’së Shefin e ICO’së, Pieter Feith, por nuk dihet se për çfarë qëllimi janë takuar.

Më herët gjatë ditës, në selinë e LDK’së ka qëndruar edhe ambasadorja e Çekisë në Prishtinë, Janina Hrebickova.

Isa Mustafa nervozohet me vendimin e Sejdiut

Isa Mustafa ka braktisur të hënën një takim të kryetarit të LDK’së Fatmir Sejdiu dhe disa anëtarëve tjerë të Kryesisë së kësaj partie, i pakënaqur me vendimin për prishje të koalicionit me Partinë Demokratike të Kosovës.

Rreth pesë minuta pasi kishte hyrë në takim, Isa Mustafa ka dalë i nervozuar.

“ Unë kam qenë për një mënyrë tjetër të daljes së LDK-së nga koalicioni me PDK-në. Unë kam qenë edhe për një kohë tjetër”, u ka thënë Mustafa gazetarëve.

Isa Mustafa, i cili qe nga fushata elektorale për zgjedhje lokale në nentor të vitit të kaluar vazhdimisht ka kërkuar daljen e LDK’së nga Qeveria, nuk është konsultuar nga Fatmir Sejdiu për vendimin befasues të së shtunës së kaluar.

Mustafa që konsiderohej një mbështetës i Sejdiut në garën për Kryetar të LDK’së, nuk është parë në tubimin e djeshëm të kësaj partie në Pejë.

Distancimi i Mustafës nga vendimi i Sejdiut dhe njerëzve të tij në Kryesinë e LDK’së për braktisje të koalicionit qeveritar vetëm një ditë pas shpalljes së datës për zgjedhje të parakohshme, mund të jetë fatale për gjasat e ish-presidentit që të marrë edhe një mandat në krye të partisë.

Vendimin e Sejdiut e kanë vlerësuar të dëmshëm për LDK’në dhe Kosovën edhe zyrtarë tjerë të kësaj partie si Bujar Bukoshi, Ali Lajqi dhe Astrit Haraqija.

nga **Agim Gashi** Mon Oct 18, 2010 6:25 pm

Isa Mustafa “kundër” Fatmir Sejdiut

Në zyrën qendrore të LDK-së sot paradite ka qenë tepër “nxehtë”. Të mbledhur si zakonisht në selinë qendrore, disa anëtar të kryesisë dhe aktivistë kanë dalë një nga një nga selia e LDK-së por asnjë nuk ka dashur të prononcohet para medieve.
Por ka qenë një deklaratë e Isa Mustafës që ka nxjerrë në sipërfaqe atmosferën “e nxehtë” në selinë e LDK-së. Ai duke u larguar nga selia e LDK-së, i pyetur nga gazetarët se a të është “plotësuar dëshira me prishjen e koalicionit me PDK-në: Mustafa ka thënë se nuk pajtohet me këtë vendim të tashëm për tërheqje nga koalicioni dhe se ky veprim ka qenë dashtë të merret më herët e jo në këtë kohë.
Kjo deklaratë e Isa Mustafës ka “acaruar” edhe më shumë raportet brenda LDK-së në kohën e fushatës zgjedhore që po i mban kjo parti.
B.S

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

Sejdiu injoron deklaratën e Isa Mustafës

Sejdiu injoron deklaratën e Isa Mustafës

Re: Sejdiu injoron deklaratën e Isa Mustafës