Thaçi injoron Limajn

nga **Agim Gashi** Fri Oct 14, 2011 12:53 am

Thaçi injoron Limajn

Thaçi injoron Limajn Pol-Wikileaks

Kryetari i PDK-së, njëherësh kryeministër i vendit, Hashim Thaçi, nuk e ka edhe shumë problem “kërcënimin” e nënkryetarit të PDK-së, deputetit Fatmir Limaj për padinë që do ta bëjë për Qeverinë. Limaj ka paralajmëruar se do padisë Qeverinë për kërkesën që kjo e fundit i ka dërguar Gjykatës Kushtetuese lidhur me sqarimin e imunitetit të deputetëve.
Në intervistën në emisionin Rubikon në Kohavision, Thaçi ka thënë se nuk dëshiron që ta personalizojë këtë çështje .

“Si kryeministër nuk ndërhyj në sistemin e drejtësisë. Unë kam raporte të mira me të gjithë, jam kryetar i PDK-së dhe kryeminsitër. PDK është e vetmja në rajon që për 12 vite nuk ka pasur plasaritje”, ka thënë Thaçi.

Ai ndërkohë ka refuzuar të flas edhe për vlerësimet e sekretarit të PDK-së, Jakup Krasniqi, i cili ka thënë se në PDK, 99 për qind vendimet i merr kryetari i saj.

“Z. Krasniqi si një demokrat i vjetër nuk besoj se do të rrinte në një parti ku nuk ka rregulla demokratike”, ka thënë Thaçi, ndërkohë ka shtuar se 95-97 për qind e Kryesisë së PDK-së ose janë në Qeveri ose në Kuvend.

Limaj kishte deklaruar kohë më parë se kryetari i PDK-së, Hashim Thaçi, siç ka thënë ai “e ka bërë jo funksionale Partinë Demokratike të Kosovës”. “PDK qe 11 muaj nuk funksionon. Që prej përfundimit të zgjedhjeve. Pyeteni kryetarin”, ka thënë nënkryetari i PDK-së.

Thaçi në këtë intervistë ka folur edhe për zhvillmet tjera në vend.

Sa i përket emrit të mundshëm të PDK-së për president, ai ka thënë se është ende herët. “Duhet t’i nëgjojmë opinionet e të gjithëve, kërkohet një debat në parti. Unë nuk kam menduar se a do të kandidojë për mandatin e tretë për kryeministër, sic nuk kam menduar se a do të kandidojë apo jo për president. Unë jam i fokusuar në punët e ekzekutivit”.

Ndërkohë, ai ka dhënë një lajm jo të mirë për partnerin e koalicionit, AKR-në.

“Nuk është në agjendën time reformatizimi, sepse mendoj se po bëhet punë e mirë”.

Sa i përket bisedimeve të mundshme politike me Serbinë, ai ka thënë se në asnjë rrethanë, me asnjë cmim, nuk do të ketë bisedime politike me Serbinë. “Kosova është vend sovran, pse të ndodhë kjo”?

Lidhur me zhvillimet në veri, Thaçi ka thënë se barrikadat e krijuara nga serbët janë të paligjshme dhe do të hiqen.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30