Pacolli fton partitë opozitare në një tryezë të rrumbullakët

nga **Agim Gashi** Thu Oct 21, 2010 2:48 am

Pacolli fton partitë opozitare në një tryezë të rrumbullakët

Kryetari i Aleancës Kosova e Re, Behgjet Pacolli ka ftuar të mërkurën në një tryezë të rrumbullakët të gjitha partitë e opozitës për të unifikuar qëndrimet në lidhje me krizën në vend.

Në një njoftim të AKR-së, thuhet se pas mbledhjes së Kryesisë së ngushtë të AKR-së është vlerësuar se kriza institucionale, politike, ekonomike, e Kosovës e ka bazën në qeverisjen e keqe të dy partnerëve të koalicionit qeveritar PDK dhe LDK në këto tre vjet.
Në njoftim thuhet se kjo krizë dëmton para së gjithash interesat e qytetarëve të Kosovës, i cilët mbeten pa përgjigje për hallet dhe shqetësimet e tyre. Kjo parti po ashtu thekson se kjo krizë ndodh kur Kosova gjendet para sfidave jetike në planin e brendshëm dhe atë ndërkombëtar.
Në këto kushte, zyrtarë të kësaj partie kanë thënë AKR-ja e sheh si të domosdoshme unifikimin e qëndrimit të opozitës për gjetjen e rrugëve kushtetuese për daljen nga kriza.
Për këtë qëllim, AKR ka ftuar AAK, LDD, Partinë e Drejtësisë, Partinë Socialdemokrate, Partia Socialiste, Lëvizjen për Bashkim, Lëvizjen Vetëvendosja, Frymën e Re, dhe çdo parti apo lëvizje opozitare që të enjten në mjediset e Parlamentit të Kosovës ta mbajnë një tryezë të rrumbullakë. Kjo tryezë në nivel kryetarësh, sipas një agjende të pranuar me konsensus thuhet se duhet të dalë me propozime dhe vendime konkrete për gjetjen e zgjidhjeve në përputhje me Kushtetutën dhe interesin e qytetarëve të vendit.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30