Rexhep Elezi sjell lajmin:Vdiç Prof. AVDI KELMENDI

nga **Agim Gashi** Mon Oct 25, 2010 1:00 am

Rexhep Elezi sjell lajmin:

Vdiç Prof. AVDI KELMENDI

Sot në Pejë Vdiç veprimtari i çështjës kombëtare profesor Avdi Kelmendi (06.11.1943-24.10.2010)

Sot, papritmas në Pejë vdiç veprimtari i shquar i çështjës kombëtare shqiptare Prof. Avdi Kelmendi nga Peja. Avdiu lindi në fshatin Ruhot të Pejës më 6 nëntor 1943. Rrjedh nga një familje e shquar rugovase. Shkollën fillore e kreu në vendlindje, të mesmën në Pejë, kurse Fakultetin Filologjik-Dega gjuhë dhe letërsi shqipe në Prishtinë. Avdi Kelmendi, pranë aktivitetit në lëmin e arsimit, siç ishte ishte edhe aktivist i madh në realizimin e kauzës kombëtare shqiptare, sidomos është dalluar me punën dhe veprën e tij në çlirim in e Kosovës nga zgjedha e egër dhe e gjatë serbo-sllave. Përpos veprimtarisë së palodhshme për disa dekada në edukimin dhe arsimimin e shumë gjeneratave, ai me punën dhe aktivitetin e tij politik është veçuar si intelektual i përmasave të larta atdhetare, kishte qendrim të qartë kundër regjimit okupues serb në Kosovë, për shkak të cilave qendrime ka qenë gjithëherë halë në sy për organet pushtuese serbe, e që ishte i përndjekur dhe i torturuar nga ana e UDB-së, para të cillës kurrë nuk u dorëzua dhe kurrë nuk u tremb. Shumë vjet punoi si mësimdhënës në fshatrat e Dugagjinit, ishte profesor në Shkollën e Mesme Ekonomike në Pejë, drejtor i bibliotekës popullore në Pejë. Herë pas herë shkruante tregime dhe recensione letrare në të përditshmet tona (Rilindja, Pioneri, Shkëndija, Jeta e re ,Zëri etj). Ai pas vetës ka lënë djemtë Fatosin,Fatonin,Albanin, vajzën Leonorën dhe bashkëshortën Sevdinë.
Varrimi i Prof. Avdi Kelmendi bëhet nesër(25.11.2010) në vendlindjen e tij, në fshatin Ruhot të Pejës, në ora 15:00.
I qoftë i lehtë dheu i Kosovës, për të cilën veproi dhe punoi gjatë gjithë jetës së tij!

Prof. Avdi KELMENDI

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30