KQZ: Më 19 nëntor vendoset për kandidaturat e Haradinajt, Dacit dhe Kurtit

nga **Agim Gashi** Thu Nov 11, 2010 9:08 pm

KQZ: Më 19 nëntor vendoset për kandidaturat e Haradinajt, Dacit dhe Kurtit

KQZ ende nuk ka vendosur nëse do t'i certifikojë kandidaturat e Haradinajt, Dacit dhe Kurtit për zgjedhjet parlamentare të 12 dhjetorit

Kryetarja e KQZ-së, Valdete Daka, ka thënë të enjten se vetëm pas dorëzimit të listave të kandidatëve dhe verifikimit të tyre nga Zyra për certifikimin e partive politike, do të vendoset nëse do të lejohet pjesëmarrja e të lartpërmendurve në zgjedhje.
"Sonte në ora 12:00 skadon afati për aplikim për certifikim të partive dhe të kandidatëve. Pra, ata vijnë me listat e kandidatëve dhe pas asaj, do të bëhet verifikimi i listave dhe të kandidatëve, dhe do të merret vendimi në KQZ", tha Daka.
Partitë politike pritet që gjatë ditës t'i dorëzojnë listat me kandidatë për Kuvendin e Kosovës, procesi i verifikimit të kandidatëve do të bëhet nga Zyra për certifikimin e partive politike, e cila brenda shtatë ditëve merr vendim, respektivisht rekomandim, të cilin ia paraqet KQZ-së. Kjo e fundit, më pas vendos, nëse do të bëjë certifikimin ose jo të kandidatëve për deputetë.
"Verifikimi zgjat shtatë ditë, pra më 19 nëntor do të bëhet certifikimi i kandidatëve të partive, të cilat do të garojnë në këto zgjedhje. Me ligj mbi zgjedhjet janë paraparë kushtet, të cilat duhet t'i plotësojë një kandidat për të qenë në listën e zgjedhjeve", ka thënë Daka.
Daka ndërkohë, nuk ka mundur të sqarojë për Kosovapress, se si do të veprohet në rastin e Haradinajt, meqë ligji është paksa i paqartë, respektivisht nëse paragrafi "është nën akuzë dhe ka dështuar të veprojë", është një opsion ose dy.
"Nuk kisha dashur të paragjykoj në këto çështje, ia leni zyrës që të dalë me vendimin e saj, respektivisht me rekomandim. Këto çështje pastaj do të diskutohen edhe në KQZ", ka thënë Daka.
Përndryshe, KQZ miratoi propozimin për ndryshimin e rregullave zgjedhore, rekomandoi akreditimin e vëzhguesve për zgjedhjet e jashtëzakonshme, përderisa kryeshefi ekzekutiv, Xhemajl Peçani ka thënë se ka filluar trajnimi i trajnerëve të KQZ-së.

nga **Agim Gashi** Thu Nov 11, 2010 9:11 pm

Po fillojnë lojrat makabre të politikës së mbrapsht. Që të tre do të likuidohen nga garat e mëtejme. Për këto arsye edhe janë qitë në kurthat për të cilat edhe fëmijët po e dinë se janë nga kush dhe pse!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

KQZ: Më 19 nëntor vendoset për kandidaturat e Haradinajt, Dacit dhe Kurtit

KQZ: Më 19 nëntor vendoset për kandidaturat e Haradinajt, Dacit dhe Kurtit

Re: KQZ: Më 19 nëntor vendoset për kandidaturat e Haradinajt, Dacit dhe Kurtit