Tahiri: Ukë Rugova në AAK si në shtëpi të vet

nga **Agim Gashi** Sat Nov 13, 2010 11:08 pm

Tahiri: Ukë Rugova në AAK si në shtëpi të vet

Besnik Tahiri, zyrtarë i lartë i AAK-së.
“Ne mendojmë se bashkimi i trashëgimisë së Dr.Ibrahim Rugovës vjen si rrjedhojë e një bashkëpunimi të ngushtë me ish-kryeministrin Haradinaj. Dhe, në këtë aspekt, ai po vjen në shtëpinë e vet, ai po vjen në një shtëpi, të cilën e ka respektuar babai i tij dhe koncepti të cilin ai e ka përfaqësuar”, tha Tahiri.

Zyrtarë të Aleancës për Ardhmërinë e Kosovës (AAK) janë shprehur të bindur siç thanë ata në fitoren e këtij subjekti politike në zgjedhjet e 12 dhjetorit. Sipas tyre, garanci për këtë është Lista e Fitores “Ramush Haradinaj-Dr.Ibrahim Rugova” dhe aderimet e reja që po bëhen në këtë parti. Këto komente u bënë të shtunën me rastin e aderimit të një numri të nëndegëve të AKR-së nga Gjakova në AAK.
Zyrtarë të AAK-së u shprehen mjaft fuqishëm për fitoren e tyre pas marrëveshjes që kanë bërë me djalin e ish-presidentit Ibrahim Rugova, Ukë Rugova. Besnik Tahiri, zyrtarë i lartë i AAK-së, shprehet se ky përforcim është rezultat i asaj që AAK e ka quajtur Lista e Fitores “Ramush Haradinaj- Dr.Ibrahim Rugova” dhe e ka sjellë Ukë Rugovën në shtëpinë e babit të tij.
“Ne mendojmë se bashkimi i trashëgimisë së Dr.Ibrahim Rugovës vjen si rrjedhojë e një bashkëpunimi të ngushtë me ish-kryeministrin Haradinaj. Dhe, në këtë aspekt, ai po vjen në shtëpinë e vet, ai po vjen në një shtëpi, të cilën e ka respektuar babai i tij dhe koncepti të cilin ai e ka përfaqësuar”, tha Tahiri.
Ndërsa, kryetari i komunës së Gjakovës, Pal Lekaj tha se lista e AAK-së është një bashkëdyzim i dy simboleve të sakrificës, asaj të Ramush Harainajt dhe Ibrahim Rugovës.
“Ne jemi në tranzicion dhe përpos asaj që një familje është emblemë e kombit shqiptarë, qytetarët e mendojnë kështu. Dhe, kjo i shtynë ata që pas vdekjes së Rugovës të shpërblejnë familjen e Rugovës me votën e tyre”, tha Lekaj. Këto komente u bënë të shtunën me rastin e aderimit të një numri të nëndegëve të AKR-së nga Gjakova në AAK.
Hysni Curri, nënkryetar i deritashëm i Aleancës Kosova e Re (AKR), dega në Gjakovë, tha se aderimi i disa nëndegëve të AKR-së në AAK bëhet për arsye të instalimit të një diktature nga selia e kësaj partie. Ai për këtë ka akuzuar nënkryetaren e AKR-së, Mimoza Kusari.
“Dega e Gjakovës, është e injoruar plotësisht prej pas zgjedhjeve, pikërisht nga Mimoza Kusari. Në AKR është instaluar një lloj diktature ku degët, sidomos dega e Gjakovës, pati një injorancë të plotë dhe aktivistët u injoruan plotësisht”, ka thënë Curri.
Sipas zyrtarëve të AAK-së, kjo parti, ka hapur dyert për aderime të reja për të gjithë ata, të cilët besojnë në politikat dhe vlerat e këtij subjekti politik.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30