Kusari: I kemi zbuluar hajnat që na i vodhën votat në Gjakovë

nga **Agim Gashi** Mon Nov 15, 2010 1:11 am

Kusari: I kemi zbuluar hajnat që na i vodhën votat në Gjakovë

Xhemile Kqiku, BOTA SOT
Zëvendëspresidentja e AKR-së Mimoza Kusari Lila përgënjeshtron kalimet e disa aktivistëve të AKR-së në AAK.

Një lajm i plasuar dje për kalimin një nëndege të AKR-së në Gjakovë në AAK, ka “detyruar” zëvendëskryetaren e AKR-së Mimoza Kusari –Lila të mbajë një konferencë për shtyp për të demantuar këtë dezinformatë. “Çfarë realisht ka ndodhur, është kalimi i tre përfaqësuesve të Kryesisë së AKR-së në AAK për qëllime personale dhe interesit të ngushtë të këtyre personave që nuk reflekton në asnjë mënyrë në performancën e degës së AKR-së në Komunën e Gjakovës”tha të dielën në një konferencë për media zëvendëse presidentja e AKR-së ,Mimoza Kusari-Lila. Ajo shprehu shqetësimin e vjedhjeve masive të votave në Komunën e Gjakovës të zgjedhjeve te kaluara, por ju erdhi edhe fundi këtyre personave të cilët kanë qëndruar me AKR për interesa personale, ndërsa kanë punuar për AAK. “ Për gjithë opinion e gjerë në Kosovë, janë ende të freskëta pamjet e vjedhjeve masive të votës në Komunën e Gjakovës nga ana e përkrahësve të AAK-së, të përkrahura edhe nga një numër i komisionarëve të AKR-së. Me transferet e fundit, erdhi koha e zbulimit të personave të cilët kanë qëndruar me AKR për interesa personale, ndërsa kanë punuar për AAK”,u shpreh Kusari-Lila.
Ajo tha se hajnat e votave janë denoncuar edhe para organeve të gjyqësisë. Ka 10 procese gjyqësore të cilat janë ngrit nga AKR-ja lidhur me procesin zgjedhor të mbajtura në vitin 2009, ndërsa njerëzit të cilët janë rekomandua natyrisht si komisar në emër të AKR-së kanë qen të rekomanduar apo të propozuar nga përfaqësues të ndryshëm qoftë në kuadër të degës apo qoftë të tjerët. “Gradualisht tani po del zinxhiri i njerëzve të cilët në një farë forme kanë ndenjur në AKR ndërsa kanë përkrah AAK-në. Personat në fjalë janë me emër dhe mbiemër ata janë komisarë që kanë qenë për të cilët kemi ngrit rastin ,ndërsa ata janë të rekomanduar nga dikush tjetër. Rasti konkret është një person i cili emri i tij edhe në media ka qenë Gjergj Kukeli , komisar i AKR-së për të cilin ka pas edhe rast gjyqësor”, theksoi Kusari-Lila.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30