Me nderime të larta, varroset polici Arben Sejdiu

nga **Agim Gashi** Wed Nov 24, 2010 7:20 pm

Me nderime të larta, varroset polici Arben Sejdiu

Qytetarë të shumtë nga vise të ndryshme, kolegë, zyrtarë të lartë të institucioneve të Kosovës, i kanë dhenë të mërkurën lamtumirën e fundit Arben Sejdiut, pjesëtarë i policisë së Kosovës i vrarë të hënën në Grabanicë të Klinës nga persona të panjohur.
“Në një shtet demokratik ku vritet polici, vritet demokracia e atij shteti”, ka thënë më këtë rast Hajredin Kuqi, zëvendëskryeministër i republikës së Kosovës. “Qeveria e republikës së Kosovës mburret me policinë sepse ajo është mbrojtëse e jetëve dhe familjeve tona, andaj vrasja e Arbenit duhet të shërbejë si motiv për vendosjen e rendit dhe ligjit”, është shprehur Kuqi, për të shtuar se “ne duhet ta vazhdojmë rrugën që ai e la në gjysme në mënyrë që në shtetin tonë të zotëroj rendi dhe qetësia publike”.
Ndërkohë, drejtori i Policisë së Kosovës, Reshat Maliqi, duke shprehur dhimbjen për humbjen e pjesëtarit të policisë, Arben Sejdiu tha se “vrasja e Arbenit ishte një vrasje e befasishme, si për familjen ashtu edhe për ne koleget e tij”.
“Policia e Kosovës ka humbur një polic të dalluar që punonte më përkushtim dhe profesionalizëm të lartë. Ishte shembull për të gjithë se si duhet të punohet në vendosjen e rendit dhe sundimit të ligjit. Ne si polici e Kosovës do të bëjmë të pamundurën që aktorët e këtij akti makabër të vendosën sa më parë para drejtësisë”, ka thënë më këtë rast Reshat Maliqi.
Ndërkohë, Sokol Bashota, kryetar i Klinës, theksoi se kjo është një ditë e rëndë për Klinën.
“Kjo ngjarje ka prekur thelë të gjithë qytetarët e kësaj komune. Duke ndarë dhimbjen e madhe më familjen Sejdiu, ju them se vepra e Arbenit do të shërbejë si gjurmë e pashlyer në kujtesën e çdo qytetari të Klinës”, tha Bashota.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31