Dështon takimi për autostradën

Dështon takimi për autostradën






Nga Express më 11.03.2009 në ora 11:44

Ka dështuar takimi ndërministror, i planifikuar të mbahej sot me qëllim të harmonizimit të planeve të qeverisë për ndërtimin e autostradës Morinë - Merdar si dhe evitimin e problemeve të mundshme gjatë realizimit të projekteve të tilla.

Takimi ndërmjet zyrtarëve të Ministrisë së Mjedisit dhe Planifikimit Hapësinor dhe asaj të Transportit dhe Postë-Telekomunikacionit, nuk është mbajtur të mërkurën, si duket për arsye të koordinimit të dobët, raporton KosovaLive.

Qeveria e Kosovës e ka vendosur si prioritet ndërtimin e pjesës së saj të autostradës që e lidh me bregdetin, por tenderi për projektin është rishpallur dhe po pritet për sinjale ndërkombëtare për mënyrën e financimit të tij.

Shqipëria, ndërkaq këtë verë pritet ta përfundojë pjesën e saj të autostradës, ndërkohë që po zhvillohen negociatat përfundimtare për marrëveshjen sipas të cilës, Kosova do të mund ta shfrytëzonte portin detar të Shëngjinit.