Rihapet tuneli i Kalimashit

Rihapet tuneli i Kalimashit




Pas përfundimit të disa punimeve elektro-magnetike brenda tij, tuneli Thirrë-Kalimash i autostradës Durrës-Kukës, është hapur paraditen e sotme dhe funksionon në mënyrë normale.


Thirrë – Pas përfundimit të disa punimeve elektro-magnetike brenda tij, tuneli Thirrë-Kalimash i autostradës Durrës-Kukës, është hapur paraditen e sotme dhe funksionon në mënyrë normale. Lajmi bëhet i ditur nga ministria e Punëve Publike, Transportit dhe Telekomunikacionit, sipas të cilëve, gjithsesi, do të vijojë kryerja e punimeve, (por gjatë orëve të natës), duke mos penguar qarkullimin në këtë zonë, i cili paraqitet i lartë në këtë sezon turistik mes Kosovës dhe Shqipërisë. Tuneli u mbyll para tre ditësh për shkak të punimeve elektromagnetike që paraqiteshin të nevojshme të kryheshin brenda tij, por që sot ai do të qëndrojë i hapur nga ora 7:00 e mëngjesit deri në orën 23:00 të darkës, ndërsa jashtë këtij orari ai do të mbyllet për shkak të punimeve që po kryhen në galerinë jugore të tunelit paralel. Ministria e Punëve Publike, Transportit dhe Telekomunikacionit në fakt kishte bërë me dijeni që tuneli do të rihapej ditën e enjte, ndërsa sot ka bërë komunikimin e ai është në funksionim normal. Autostrada Durrës-Kukës Morin punimet e njërit krah të së cilës përfunduan me 25 qershor shkurton me 65 kilometra distancën Shqipëri-Kosovë. Nga 330 që ishte distanca Tiranë-Prishtinë ajo tashmë është 265 kilometra dhe më së shumti atë e shkurton tuneli Thirrë- Kalimash, 5.5 km i gjatë, më i madhi në Ballkan.(NOA)

Mbyllet tuneli i Thirrës në autostradën Durrës-Kukës-Morinë





Ministria e Punëve Publike, Transportit dhe Telekomunikacionit të Shqipërisë njofton të gjithë drejtuesit e automjeteve se, Tuneli i Thirrës në autostradën Durrës-Kukës-Morinë do të jetë i mbyllur për trafikun nga ora 23:00 e ditës së martë më 18 gusht deri në orën 07:00 të së enjtes më 20 gusht.
Ky kufizim i përkohshëm bëhet si rezultat i punimeve elektromekanike dhe përforcuese në galerinë jugore të tunelit, të cilat për arsye teknike dhe sigurie nuk mund të kryhen në kushtet e zhvillimit të trafikut.