Foto dhe lajme

nga **Agim Gashi** Thu Mar 12, 2009 10:08 pm

Winnenden, 12 mars - Disa qytetarë ndezin qirinj afër shkollës Albertville-Realschule, ku një incident i rëndë ndodhi më 11 mars. Një adoleshent i armatosur vrau së paku 15 njerëz, shumicën prej të cilëve në një shkollë në qytezën gjermane, Winnenden, në afërsi të Stuttgartit, në Gjermaninë jugperëndimore. Trembëdhjetë nga të vdekurit ishin nxënës dhe mësues, njoftoi policia. Në pankartën në të majtë shkruan:

nga **Agim Gashi** Wed Jun 24, 2009 11:11 pm

Oviedo, 24 qershor - Shkrimtari shqiptar, Ismail Kadare, është shpallur fitues i çmimit më të madh spanjoll për letërsi “Prince of Asturias Award for Letters”. Shpërblimi përfshin 50 mijë euro dhe një riprodhim të statujës së dizajnuar nga Joan Miro. Kadare, i cili përfaqëson nivelin më të lartë të letërsisë shqipe, ka kaluar kufijtë dhe është rritur në një zë universal kundër totalitarizmit, ka thënë juria në Oviedo. Në mesin e kandidatëve ishin edhe Murakami, Kundera e shkrimtarë të tjerë të njohur. (Foto arkiv: Jetmir Idrizi)

nga **Agim Gashi** Wed Jun 24, 2009 11:12 pm

Republika e Kosovës është e përcaktuar për fqinjësi të mirë dhe marrëdhënie të ngushta të bashkëpunimit me të gjitha vendet e rajonit, tha presidenti Fatmir Sejdiu, gjatë një takimi të përbashkët që pati në Vlorë me homologët e tij nga Shqipëria, Mali i Zi dhe Maqedonia, presidentët Bamir Topi, Filip Vujanoviç dhe George Ivanov.

nga **Agim Gashi** Wed Jun 24, 2009 11:14 pm

Teheran, 22 qershor - Kryeqyteti iranian,Teheran, mbetet në një gjendje të rëndë e të tensionuar kur vazhdon shtypja e pakënaqësisë pas një jave protestash masive në lidhje me rezultatin e zgjedhjeve të debatueshme presidenciale. Gazetari i Newsweek, Maziar Bahari, i cili ka punuar që prej një dekade për Newsweek është arrestuar nga autoritetet.

nga **Agim Gashi** Wed Jun 24, 2009 11:15 pm

Venezuela, 22 qershor - Në Venezuelë është arrestuar njëri nga pjesëtarët më të rrezikshëm të mafias italiane. Salvatore Miceli u arrestua në kryeqytetin e Venezuelës, Karakas, njoftoi policia italiane. Miceli konsiderohet ndërmjetësuesi kryesor për tregtinë me drogë, dhe kërkohej nga gjykata. Ai ndodhej në arrati prej vitit 2001.

nga **Agim Gashi** Sun Jun 28, 2009 4:52 pm

Tiranë, 28 qershor - Sot, mbi 3 milionë qytetarë të Shqipërisë do të vendosin se çfarë vendi duan: të djathtë apo të majtë. Fituesi do të dihet në orët e para të së hënës. Mirëpo, ai do të shpallet sonte, sapo të mbyllën kutitë e votimeve. (Foto: Getty Images)

nga **Agim Gashi** Sun Jun 28, 2009 4:53 pm

Tiranë, 27 qershor - Në Shqipëri sot është heshtje zgjedhore, një ditë para votimeve për zgjedhjet e përgjithshme. 3.1 milionë shqiptarë do të votojnë për të zgjedhur 140 deputetët e parlamentit të ri. PD e PS, dy forcat kryesore politike mbyllën mbrëmë fushatën duke u bërë thirrje votuesve që t'i mbështesin në zgjedhjet e së dielës.

nga **Agim Gashi** Tue Jul 07, 2009 9:52 pm

Los Angeles, 7 korrik – Steve Wonder ka mbajtur një fjalim emocionues dhe ka kënduar me lot në sy këngët e tija para arkivolit të Michael Jackson. SHBA dhe Los Angeles sot po ia jep lamtumirën Mbretit të Pop, Michael Jackson. Të gjithë yjet po evokojnë kujtime për Mbretin, duke filluar nga këngëtarët, sportistët dhe artistët. (Foto: The Sun)

nga **Agim Gashi** Tue Jul 07, 2009 9:53 pm

Los Angeles, 7 korrik – Në qendër të qytetit të Los Angeles është parë arkivoli që mban legjendën e muzikës pop Michael Jackson. CNN.com është duke bërë transmetimin e drejtpërdrejtë të kësaj ngjarje e cila pritet të shihet nga një miliard njerëz në mbarë rruzullin. Ndërkaq, CNN ka hapur edhe një link në Facebook, ku deri me tani janë bërë rreth 500 mijë komente për këngëtarin (Foto: CNN)

nga **Agim Gashi** Tue Jul 07, 2009 9:54 pm

Los Angeles, 7 korrik – Janë paraqitur fotot e para të provave për koncertin përkujtimor të Mbretit të muzikës pop, Michael Jackson. Në këtë foto shihet pop-këngëtari, Usher, i cili do të këndoj sonte për mbretin, në Staples Center. (Foto: The Sun)

nga **Agim Gashi** Tue Jul 07, 2009 9:54 pm

Lima, 7 korrik - Bota po e vajton me lot ndarjen nga jeta të Mbretit të muzikës pop, Michael Jackson. Me qindra njerëz janë mbledhur në tërë botën duke bërë homazhe në mënyra të ndryshme. Në kryeqytetin e Perusë, Lima, me mijëra adhurues janë duke ndezur qirinj nëpër kisha dhe rrugë, duke u lutur kështu për shpirtin e Jackson. (Foto: The Sun)

nga **Agim Gashi** Tue Jul 07, 2009 9:54 pm

Los Angeles, 7 korrik – Këngëtarët, Mariah Carey, Lionel Richie, Stevie Wonder dhe Shaheen Jafargholi, janë ata që do të këndojnë në koncertin memorial,në Staples Center për Michael Jackson, që do të mbahet sonte pas varrimit të Michael Jackson. Rreth një miliard teleshikues dhe mijëra adhurues pritet ta shikojnë sonte koncertin lamtumirës për Mbretin e Pop-it. (Foto: The Sun)

nga **Agim Gashi** Tue Jul 07, 2009 9:55 pm

Los Angeles, 7 korrik – Me mijëra adhurues të Mbretit të Muzikës pop kanë mësyer sot Los Anglesen. Në programin e paraqitur para medieve, koncerti memorial i Jackson pritet të mbahet i fundit në “Staples Center”. Kufoma se pari do të shkoj në shtëpinë e Jackson në Neverland, e cila pastaj do të varroset në varrezat e të famshmeve në LA. (Foto: The Sun)

nga **Agim Gashi** Tue Jul 21, 2009 10:38 pm

Azi, 21 korrik - Eklipsi më i gjatë i këtij shekulli pritet të shihet sonte, në orët e hershme të mëngjesit, nga miliona njerëz në Azi. Hëna do të vendoset mes Tokës dhe Diellit për të eklipsuar yllin tonë për 6 minuta e 39 sekonda. Eklipsi do ta arrijë kulmin në orën 4:25, sipas orës tonë. (Foto arkiv)

nga **Agim Gashi** Tue Jul 21, 2009 10:39 pm

Tiranë – Në Shqipëri është shënuar rasti i parë i gripit të derrit, i njohur ndryshe i H1N1. Bëhet fjalë për një student nga Gjirokastra, identiteti i të cilit nuk bëhet i ditur.Lajmi është konfirmuar nga ana e autoriteteve rumune, të cilat kanë bërë analizat e studentit, që tashmë rezulton i prekur nga ky virus.

nga **Agim Gashi** Tue Jul 21, 2009 10:40 pm

Foto dhe lajme Astrit_ibrahimi_klinika_gjermane_mitrovic037

Prishtinë, 21 korrik – Ministria e Shëndetësisë u ka tërhequr vërejtjen spitaleve dhe institucioneve të tjera private, se nuk guxojnë të bëjnë reklamë për shërbime, për të cilat nuk kanë licencë. Vërejtja erdhi pasi spitali “Heart” ka reklamuar në një gazetë se bën edhe ndërhyrje kardiokirurgjike. (Foto, arkiv: Astrit Ibrahimi)

nga **Agim Gashi** Tue Jul 21, 2009 10:41 pm

Foto dhe lajme 300_zlocinci_sredoje_i_milan_lukic.1

Hangë, 20 korrik - Gjykata ndërkombëtare për krime lufte në ish-Jugollavi ka dënuar një serb të Bosnjës me burg të përjetshëm, ndërsa një tjetër me 30 vite burg për përfshirjen në vrasjet e boshnjakëve gjatë luftës më 1992-1995. Millan dhe Sredoje Llukic ishin akuzuar për përfshirje në “një nga fushatat më famëkeqe të spastrimit etnik” si pjesëtarë të një grupi paramilitar në qytetin jugperëndimor të Bosnjës,Vishegrad.

nga **Agim Gashi** Tue Jul 21, 2009 10:41 pm

Mosbesimi që është në rritje ndaj programit stimulativ ekonomik, brengosja e madhe për shkak të deficitit federal dhe mbështetja e vogël për përpjekjet për kujdesje shëndetësore, kanë zbritur popullaritetin e presidentit amerikan Barak Obama.Ndonëse 56 % e amerikanëve ende mendojnë se qasja e Obamës do ta përmirësojë ekonominë, kjo është rënie e madhe prej kur e mori detyrën dhe e cila ishte 72%.

nga **Agim Gashi** Tue Jul 21, 2009 10:42 pm

Foto dhe lajme Trafficking_image_compressed

Prishtinë, 20 korrik - Drejtues të organizatave për mbrojtjen e të drejtave të njeriut tërheqin vërejtjen se shkalla e trafikimit të qenieve njerëzore në Kosovë po shënon rritje. Një raport i Këshillit për Mbrojtjen e të Drejtave dhe Lirive të Njeriut flet për përmasa shqetësuese të trafikimit të femrave në Kosovë. Por sipas të dhënave të policisë, shkalla e trafikimit me qenie njerëzore këtë vit ka shënuar rënie të lehtë.

nga **Agim Gashi** Tue Jul 21, 2009 10:42 pm

Tiranë, 20 korrik - Në Shqipëri autoritetet shëndetësore shtojnë masat për të përballuar një epidemi të mundshme të gripit të derrit në vend. Deri tani nuk është konfirmuar asnjë rast me gripin e derrit në Shqipëri, por Ministrja e Shëndetësisë Anila Godo thotë në një intervistë për BBC-në se ka mundësi që të ketë ndonjë rast të lehtë që nuk është kapur.

nga **Agim Gashi** Tue Jul 21, 2009 10:43 pm

Sot u mbushën 40 vjet, kur astronautët amerikanë, Neil Armstrong dhe Edwin Aldrin, ecën në Hënë. Kjo datë sot në Shtetet e Bashkuara shënohet si ditë historike, ndërsa presidenti Barack Obama, në Shtëpinë e Bardhë takohet me ekuipazhin e anijes kozmike, Apollo 11. “Ky është një hap i vogël për njeriun, por një hap gjigant për njerëzimin”, pat thënë astronauti Armstrong, derisa ecte në Hënë më 20 korrik të vitit 1969. Vlerësohet se afro 500 milionë njerëz në Tokë e patën ndjekur këtë ngjarje në radio dhe televizion. (Foto: AP)

nga **Agim Gashi** Tue Jul 21, 2009 10:44 pm

Honduras, 20 korrik - Dy ditë bisedime në lidhje me krizën politike në Honduras kanë dështuar pa arritur asnjë marrëveshje. Qeveria e përkohshme tha se propozimi për rikthimin në pushtet të presidentit të rrëzuar, Manuel Zelaya, ishte i papranueshëm. Presidenti i Kosta Rikës, që është mediatori kryesor i këtyre bisedimeve paralajmëroi se nëse dështonin bisedimet, ekzistonte rreziku i luftës civile. (Foto: Reuters)

nga **Agim Gashi** Wed Aug 26, 2009 2:12 am

Foto dhe lajme Petrit_rrahmani_-_vetvendosje_0390

Prishtinë, 25 gusht - Aktivistë të Lëvizjes “Vetëvendosje” kanë ndërmarrë sot një “aksion simbolik” duke përmbysur dhe dëmtuar 28 vetura të EULEX-it, të parkuara prapa Pallatit të Rinisë. Policia ka shoqëruar në stacion policor 22 aktivistë të kësaj organizate. (Foto: Petrit Rrahmani)

nga **Agim Gashi** Wed Aug 26, 2009 2:13 am

Foto dhe lajme Petrit_rrahmani_-_vetvendosje_0389

Prishtinë, 25 gusht - Aktivistë të Lëvizjes “Vetëvendosje” kanë ndërmarrë sot një “aksion simbolik” duke përmbysur dhe dëmtuar 28 vetura të EULEX-it, të parkuara prapa Pallatit të Rinisë. Policia ka shoqëruar në stacion policor 22 aktivistë të kësaj organizate. (Foto: Petrit Rrahmani)

nga **Agim Gashi** Wed Aug 26, 2009 2:14 am

Foto dhe lajme Petrit_rrahmani_-_vetvendosje_0392

Prishtinë, 25 gusht - Aktivistë të Lëvizjes “Vetëvendosje” kanë ndërmarrë sot një “aksion simbolik” duke përmbysur dhe dëmtuar 28 vetura të EULEX-it, të parkuara prapa Pallatit të Rinisë. Policia ka shoqëruar në stacion policor 22 aktivistë të kësaj organizate. (Foto: Petrit Rrahmani)

nga Sponsored content

Foto dhe lajme

Foto dhe lajme

Kadaresë edhe një çmim

Bamir Topi bashkon ballkanasit

Teheran 23 qershor

Arrestohet mafiozi italian

Zgjedhjet në Shqipëri

Re: Foto dhe lajme

Re: Foto dhe lajme

Re: Foto dhe lajme

Re: Foto dhe lajme

Re: Foto dhe lajme

Re: Foto dhe lajme

Re: Foto dhe lajme

Eklipsi më i gjatë në këtë shekull

Re: Foto dhe lajme

Re: Foto dhe lajme

Re: Foto dhe lajme

Re: Foto dhe lajme

Re: Foto dhe lajme

Re: Foto dhe lajme

Re: Foto dhe lajme

Re: Foto dhe lajme

Çfarë kërkojnë?

Re: Foto dhe lajme

Re: Foto dhe lajme

Re: Foto dhe lajme

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31