Viktoria Zhako(Zhorzh Sand):BLUJA E SYVE TE TU, D.

nga **Agim Gashi** Tue Jan 04, 2011 1:52 pm

Viktoria Zhako(Zhorzh Sand):BLUJA E SYVE TE TU, D.

Shtatëmbëdhjetë të pafajshme pranvera
Tundte era mbi kaçurrelat e mi.
Melodia e qeshjes sime gazmore
Preku xhamat e barit ku rrije ti.

Në sy u pamë, çuditur, për një çast.
E kafenjta e syve më ngriu hutuar
Në detin blu të thellë të syve të tu.
Pastaj fluturoi mjaft e turbulluar.

Sërishmi u ktheva tek i qeti bar,
Por sytë blu kishin nisur udhëtimin.
Treni i jetës i çonte larg me vrap
Duke m`i lënë zemrës pritjen, trishtimin.

Kalërova unë në ajrin e ngrirë,
Me krahë të thyer, me ëndrra të vrara.
Gaforreditët ma copëtonin zemrën.
Blun` e thellë kërkoja, ikte përpara.

Kanxhat ditëgaforre më morën me vete.
Më zhytën, më nxorën në të çuditshme skela.
Çdo frymëmarrje blunë kërkonte me etje.
....................................................................
...Befas vezulloi kur më ikën pranverat.

Shpërthyen vullkanet, u thyen horizontet,
Çelën petalet e luleve në dëborë.
Yjtë e qiellit sytë m`i veshën dritë.
Zgjova agimet me zemrën ëndërr në dorë.

Sytë laj çdo ditë me blunë qiellore.
I fshi me petalet e lules dashuri.
I lutem lëndinës për pak vend të blertë,
Të mbjell aty sërishmi lastarin e ri.

Po ti, D. a më njohe?

E hënë 20 dhjetor 2010 ora 12:00
VIKTORIA XHAKO
(ZHORZH SAND)

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30