Miratohet raporti, shqiptarët të pafuqishëm përballë Martit

nga **Agim Gashi** Tue Jan 25, 2011 9:43 pm

Miratohet raporti, shqiptarët të pafuqishëm përballë Martit

19 amendamentet e shqiptarëve u rrëzuan një e nga një të gjithë, përveç atij për ndryshimin e titullit të raportit, por edhe kjo vetëm pasi u pranua nga vetë raportuesi Dick Marti.

Miratohet raporti, shqiptarët të pafuqishëm përballë Martit Miratohet_raporti_shqiptaret_t

As dhjetëra protestues përballë Këshillit të Evropës, as zyrtarët shqiptarë nga Shqipëria, Maqedonia e Kosova brenda tij, e as peticionet, fletushkat, librat shpjegues apo fjalimet patriotike në sallë nuk cënuan miratimin e raportit famë-keq të Dick Martit nga Këshilli i Evropës.

19 amendamentet e shqiptarëve u rrëzuan një e nga një të gjithë, përveç atij për ndryshimin e titullit të raportit, por edhe kjo vetëm pasi u pranua nga vetë raportuesi Dick Marti.

“Edhe vetë raportuesi e pranoi se titulli i Rezolutës i ishte imponuar nga tjetër kush dhe se nuk ishte i tij, ndërkohë që pikërisht ky titull ka shkaktuar dëmin më të madh në pozicionet e Kosovës dhe Shqipërisë me akuzat që ka bërë ky dokument.

Pjesa tjetër e votimit, për fat të keq nuk shkoi në favor të deputetëve shqiptarë dhe të atyre që na mbështetën, për shkak se, siç duket qartë, edhe në institucione multilaterale siç është Këshilli i Evropës, mbizotërojnë disa aleanca dhe forma të solidarizimit mes popujve dhe shteteve të cilat jo gjithnjë i shërbejnë qëllimit për të zbuluar apo konfirmuar të vërtetën si parim universal, vlerë kjo bazë e Këshillit të Evropës” tha Ermira Mehmeti, anëtare e delegacionit të Maqedonisë në Këshillin e Evropës.

”Në këtë ndërrmarje ne jemi mbështetur totalisht nga delegacioni anglez, nga ai Italian, një mbështetje relative nga delegacioni turk dhe individë të tjerë. Dhe tashmë është kthyer në një raport për ‘Hetimin e akuzave të hamendësuara për çështjen e trafikimit” tha Kastriot Islami, anëtar i delegacionit të Shqipërisë në në Këshillin e Evropës.

Të pa-organizuar, të vonuar e kësaje here, pa mbështetje reale të shteteve të fuqishme aleate, shqiptarët dëshmuan pafuqinë e tyre edhe brenda një institucioni ku përfaqësuesit e pjesës dërrmuese së tyre janë anëtarë me të drejta të plota. Delegacioni kosovar, i vetë-ftuar dhe me cilësinë e vizitorëve, priste në kafe shqiptarët e tjerë që vetë-lavdëronin fjalimet e tyre patriotike brenda sallës së debateve.

“Do të duhej të punohej më shumë, më shumë angazhim dhe përkushtim sepse nisma ka ekzistuar që para dy vjetësh dhe që atëherë është ngarkuar Dick Marti të bëjë raportin lidhur me akuzat e bëra. Por sidoqoftë kjo është mjaft domethënëse për atë se shqiptarët mund të jenë bashkë në situata të caktuara” tha Xhavit Haliti, anëtar i kryesisë së Kuvendit të Kosovës.

Megjithë bashkimin e tre delegacioneve për një çështje që tregon se ka prekur të gjithë shqiptarët kudo që jetojnë, përfaqësuesit e tyre pranuan për Alsat M se nga kjo seancë duhen nxjerrë mësime për të ardhmen, si dhe duhet punuar në kohë dhe me seriozitet për çështjet mbarë-kombëtare.
Këshilli i Evropës miraton raportin Dick Mart

Asambleja Parlamentare e Këshillit të Evropës miratoi me 166 vota pro, 8 kundër dhe 14 abstenim, raportin e Dick Martit për hetimin e pretendimeve për trajtime çnjerëzore dhe trafik të paligjshëm të organeve në Kosovë.

Pas votimit, Marti përsëriti se raporti i tij nuk i drejtohet popujve të Kosovës dhe Shqipërisë, ndërsa nuk hezitoi të krahasojë Hashim Thaçin me Ben Ali-në e Tunizisë.

"Unë besoj se Asammbleja e ka kuptuar në mënyrë perfekte se ky raport nuk është dhe nuk ka qenë kurrë një raport kundër Kosovës, kundër Shqipërisë e mbi të gjithë në asnjë mënyrë kundër popujve të këtyre dy vendeve.

E kundërta është e vërtetë pasi në faqen e fundit të këtij raporti kam shkruajtur se ambicia ime është të jem zëdhënësi i këtyre burrave dhe këtyre grave që jetojnë në rajon, që kanë të drejtë për mirëqenie, që kanë të drejtën për të pasur një demokraci të vërtetë dhe që kanë të drejtë për të pasur një klasë politike të pastër, të ndershme dhe efikase” tha ick Marty, raportues i Këshillit të Evropës

(Strasburg, Ernest Bunguri, Alsat-M)

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30