Hajredin Kuçi, kryeministër?

nga **Agim Gashi** Mon Jan 31, 2011 10:30 am

Hajredin Kuçi, kryeministër?

Hajredin Kuçi, kryeministër? Main_hajredin-kuqi-4

Java e ardhshme pritet të jetë vendimtare në bisedimet për qeverinë e re në Kosovë. Në mesin e shumë ideve për partitë që do ta formojnë qeverinë, këtyre ditëve po përfolën edhe emrat për resorët përkatës, si ministritë dhe kryeministrinë.
Portali Indeksonline ka mësuar se njëri prej emrave të mundshëm për kryeministër, është Hajredin Kuçi, zv.kryeministër i deritanishëm dhe njëri prej drejtuesve kryesor të PDK-së.
“Ky emër do të vjen në shprehje për kryeministër nëse Hashim Thaçi nuk mandatohet për kryeministër. Thaçit i janë vështirësuar shumë punët pas deklaratave të Dellit për qeveri me duar të pastra. Fatmir Limaj tashmë e ka kushtëzuar Thaçin, o të dy në qeveri ose asnjëri”, i ka thënë portalit një burim shumë i afërt me zhvillimet.
Më tej ai ka shpjeguar se “mbetja jashtë e kryeministrit Hashim Thaçi do të mbështetej edhe nën premtimin e mbajtjes së shpejt të zgjedhjeve të reja, anulimit të vendimit për pagat dhe mbrojtjen e Thaçit si dhe bisedimet e ardhshme me Serbinë”.
Numri dy i qeverisë në largim, Hajredin Kuçi, ka mohuar këto zëra. Ai i ka thënë portalit Indeksonline se “për herë të parë po e dëgjon këtë gjë dhe nuk ka asgjë të vërtetë. Nuk ka kurrfarë ideje të këtillë”.
Hashim Thaçi dhe partia e tij fituese në zgjedhje është vënë para një presioni të madh ndërkombëtar për formimin e qeverisë së re, dhe shkrimeve të shumta të mediave botërore për përfshirje të krerëve të shtetit në afera kriminale e korruptive.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30