Obama me thirrje të re për Egjiptin

nga **Agim Gashi** Mon Feb 07, 2011 1:12 pm

Obama me thirrje të re për Egjiptin

Presidenti amerikan Barak Obama thotë se ai beson që Egjipti nuk mund të kthehet prapa në gjendjen që ka qenë para kryengritjes kundër presidentit Mubarak dhe se ishte koha për ndryshim. Këtë deklaratë presidenti e bëri gjatë një interviste televizive për kanalin Fox.
Obama iu referua grupit kryesor të opozitës, Vëllazëria Myslimane, duke thënë se ishte vetëm një fraksion dhe nuk kishte mbështetjen e shumicës.
Egjipti i ndryshuar
Presidenti Obama duket se po këmbëngul që Egjipti ka ndryshuar tashmë. Ai tha se vendi nuk do të kthehej prapa në gjendjen që ka qenë dhe se ishte e qartë që populli i Egjiptit kërkonte zgjedhje të lira dhe të ndershme. Presidenti përsëriti qëndrimin që e kemi dëgjuar shpesh javën e fundit se tranzicioni politik duhet të fillojë tani dhe ai duhet të jetë i rregullt dhe kuptimplotë.
Megjithatë, Obama vazhdon të mos e thotë shkoqur nëse presidenti Mubarak duhet të largohet menjëherë, apo do të duhet të qëndrojë në post për momentin. Obama foli edhe për Vëllazërinë Myslimane, roli i të cilës në protesta është diskutuar shumë, por nuk kuptohet mjaft në Amerikë.
Presidenti tha se kishte aspekte të ideologjisë së grupit që ishin anti-amerikane, por ai shtoi se Vëllazëria Myslimane ishte një prej shumë grupeve në Egjipt.
Ndërkaq Vëllazëria tha se pas takimit me qeverinë se regjimi nuk ka bërë lëshime substanciale.
Një korrespondent i BBC-së në Kajro thotë se protestuesit në rrugët e Kajros nuk janë në humor për kompromis. Ata duan që presidenti Mubarak të japë dorëheqjen menjëherë dhe parlamenti që ata e quajnë të mashtruar të shpërndahet.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31