LD-GJERMANI DËNON ASHPËR AKTIN MAKABËR TË VRASJES SË DY USHTARAKËVE AMERIKANË NË FRANKFURT TË GJERMANISË

nga **Agim Gashi** Fri Mar 04, 2011 1:07 am

LIDHJA DEMOKRATIKE NË GJERMANI DËNON ASHPËR AKTIN MAKABËR TË VRASJES SË DY USHTARAKËVE AMERIKAN NË FRANKFURT

NUK KA FORCË QË MUND T’ I LËKUNDË MARRËDHËNIET MIQËSORE MIDIS POPULLIT SHQIPTAR DHE ATIJ AMERIKAN..!

Duke e ndjerë dhimbjen thellë në shpirt bashkë me familjarët e dy oficerëve të vrarë, me rastin e kësaj tragjedie të rëndë i shprehim ngushëllimet tona më të thella presidentit të SHBA-ve Exelencës së tij, zotit Barak Obama, Sekretarës së shtetit znj. Hillary Clinton si dhe gjithë popullit mik amerikan.

Akti kriminal dhe i shëmtuar i 21 vjeçarit Arid Uka, nënshtetas gjerman me prejardhje nga Kosova, i cili dje në mënyrë mizore vrau dy oficerë amerikanë dhe lëndojë rëndë dy të tjerë, ne mërgimtarëve shqiptarë që jetojmë dhe punojmë në Gjermani, na ka tronditur dhe prekur thellë në shpirt. Andaj, në këto çaste të rënda pikëllimi për humbjen e dy miqve amerikanë, me gjithë shpirt dhe trup jemi pranë familjarëve të tyre, si dhe me gjithë popullin mik amerikanë, meqë rast shprehim edhe solidarizimin tonë të plotë me ta.

Të bindur se ky rast i rënd dhe i turpshëm i krimit, i bërë dje nga një bashkëqytetar i ynë në Frankfurt të Gjermanisë, do mbetet rast i izoluar dhe i pa përsëritshëm në marrëdhëniet midis dy popujve tanë miq, gjithashtu shprehim indinjatën tonë të thellë si dhe dënojmë ashpër këtë akt vandal, duke iu bërë apel organeve të drejtësisë gjermane që aktorin ta ndëshkojë me masat më të rënda ligjore.

Po ashtu, pa marrë parasysh shkaqet dhe motivet që autorin e krimit e kanë çuar që ta kryejë këtë akt barbar, qoftë me porosi ose i frymëzuar nga ideologjitë e ndryshme, qoftë nga armiqtë e kombit shqiptar, iu bëjmë me dije, në veçanti atyre të cilëve iu pengon miqësia tradicionale shqiptaro-amerikane, se nuk do të ketë forcë në botë e cila mund t’i lëkundë këto marrëdhënie. Neve, madje ndjehemi shumë krenarë me faktin, se janë pikërisht SHBA-të ato të cilat e shpëtuan popullin shqiptar nga dhuna dhe gjenocidi serbosllav i udhëhequr nga Millosheviçi në vitet 1998/99, dhe këtë të mirë nuk ka kush në botë që mund të na detyrojë që ta harrojmë..!

Shoqëria kosovare në përgjithësi dhe në veçanti inteligjencia e saj duhet të veprojë në mënyrë më aktive në planin human dhe solidarizues, e cila në masë të madhe vitet e fundit është zbehur shumë. Ne do duhej ta kujtojmë të djeshmen, jo vetëm si prononcime publike, por si një kujtesë e dhimbshme që përjetuam, madje edhe si respekt për ata që kontribuuan për të qenë sot të lirë. Në veçanti duhet t’i ruajmë dhe respektojmë miqtë tanë që na ndihmuan me mbijetuar si popull dhe që po kontribuojnë edhe sot në krye me SHBA-të me zhvilluar shtetin e brishtë të Kosovës. Urojmë që të vetëdijesohemi dhe punojmë duke dëshmuar se vërtetë rasti tragjik i Frankfurtit është individual, dhe si komb jemi përkrah popujve të civilizuar, që të jemi gjithnjë përkrah SHBA-ve e cila na shpëtoi nga katrahura.

Komisioni për informim i LD-së në Gjermani.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30