Akademia për Heroin Sali Çekaj mbahet në Ludwigsburg

Akademia për Heroin Sali Çekaj mbahet në Ludwigsburg

Nga kryesia e nëndegës së LDK-së në Baden-Württemberg




Aktivistë të Degës së LDK-së në Gjermani para shtatores së Heroit të Kosovës, Sali Çekajt ne Deçan

Në takimin e kryesisë së nëndegës së LDK-së në Baden-Württemberg që u mbajt në fundjavë në Ludwigsburg temë qendrore e bisedës ishte organizimi i mbajtjes se akademisë përkujtimore në 10-vjetorin e rënies së Heroit Sali Çekaj. Në këtë tubim të cilin e kryesoi Astrit Zemaj, kryetar, përpos të gjithë anëtarëve të kryesisë së nëndegës, moren pjesë edhe kryetarët dhe përfaqësuesit e rajoneve të LDK-së që veprojnë në Schwäbisch Gmünd, Ludwigsburg, Heilbron, Karlsruhe, Stuttgart, Offenburg si dhe kryesia e Klubit kulturor „Bardhosh Gërvalla“ në Ludvigsburg.
Me këtë rast pas shumë diskutimesh u vendos që akademia, e cila do të jetë nën organizimin e Degës së LDK-së në Gjermani në bashkëpunim me nëndegën e LDK-së në Baden-Württemberg, do të mbahet me 19 prill 2009 në Ludvigsburg.
Me këtë rast duke folur për fytyrën e Heroit të Kosovës, Sali Çekajt, të gjithë diskutuesit theksuan rolin e tij të madh në lëvizjet kombëtare në diasporë pasi që Sali Çekaj ishte ndër udhëheqësit më të ngushtë të Degës së LDK-së në Gjermani, si sekretar dhe në mandatin e fundit edhe nënkryetar i kësaj dege, prandaj Dega e LDK-së në Gjermani ka një obligim të madh moral që të kujdeset për këtë figurë të rëndësishme të historisë sonë kombëtare dhe për familjen e tij.
Për këtë, para disa viteve Dega e LDK-së në Gjermani në shenjë të respektit për Heroin Sali Çekaj, ish-nënkryetar i kësaj dege vendosi që për çdo vit të ndaj çmimin për veprimtarët e dalluar për aktivitetin e tyre për liri, pavarësi dhe demokraci të Kosovës. Ky çmim për herë të parë iu nda presidentit tonë historik, dr. Ibrahim Rugovës, kurse pastaj pa kuptim disi Kryesia e Degës së LDK-së nuk vendosi se kujt t´i jept ky shpërblim.
Anëtarët e Kryeisë së nëndegës së LDK-së në Baden-Württemberg duke diskutuar rreth një pike të veçantë të rendit të ditës drejtuan mjaft kritika në drejtim të përfaqësuesve diplomatikë të Kosovës në Gjermani, të cilët në shënimin e njëvjetorit të pavarësisë së Kosovës që e mbajtën në Berlin pa kurrëfarë kuptimi anashkaluan Degën e LDK-së, e cila ka qenë promotori kryesor i lëvizjeve për çështjen e Kosovës, jo vetëm në Gjermani por në mbarë diasporën.

Komisioni për informim i nëndegës së LDK-së në Baden-Württemberg