Shkup: Së shpejti fillojnë punimet në sheshin “Skënderbeu”

nga **Agim Gashi** Fri Apr 01, 2011 9:35 pm

Shkup: Së shpejti fillojnë punimet në sheshin “Skënderbeu”

Punimet ndërtimore në sheshin "Skënderbeu" në Shkup do të fillojnë sa të përfundojnë të gjitha punët administrative, ka thënë kryetari i komunës së Çairit, Izet Mexhiti.

Sipas tij pritet të realizohet varianti i kompletuar i sheshit, ai i cili do të lidhë Komunën e Çairit me atë të Qendrës.

"Jemi në përfundim të projekteve kryesore realizuese, dhe me atë do të jetë i qartë edhe konstruksioni financiar dhe mendojmë se shumë shpejt duhet të fillojnë punimet", ka paralajmëruar Mexhiti. Projekti sheshi "Skënderbeu" parashihet të realizohet në kuadër të territorit të Komunës së Çairit, konkretisht para shtëpisë së mallrave 'Ilinden". I gjithë trafiku do të jetë nën nivel tokësor, ndërsa hapësira mbi të do të jetë e hapur për qytetarët. Nga ana tjetër, Komuna e Çairit dhe Qyteti i Shkupit bashkërisht kanë premtuar zgjerimin e rrugës "Cvetan Dimov" dhe bulevardit te rruga e plastikave.

Ky projekt vjen si rezultat i bashkëpunimit që ka Komuna me qytetin. Ai ka shtuar se shumë shpejt pritet edhe ndriçimi i rrugëve të Çarshisë së Vjetër.

Ndërkohë kryetari i Qytetit të Shkupit, Koce Trajanovski, pos zgjerimit të rrugëve ka premtuar edhe investime në kanalizimin atmosferik dhe ujësjellësin. Qeveria nga buxheti i vitit 2011 për fillimin e projektit kryesor të sheshit "Skënderbeu" ka ndarë 30 milionë denarë apo rreth 500 mijë euro.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30