LDK për një president “kalimtar” deri në zgjedhje të reja

nga **Agim Gashi** Sat Apr 02, 2011 10:34 pm

LDK për një president “kalimtar” deri në zgjedhje të reja

LDK-ja opozitare ka kushtëzuar pjesëmarrjen në Kuvend në seancën e zgjedhjes së presidentit me gjetjen e një zgjidhje kalimtare mes pozitës dhe opozitës.

Shefi i Grupit Parlamentar të LDK-së, Ismet Beqiri, ka thënë për Top Channel se zgjidhja kalimtare nënkupton caktimin e një afati ku do të reformohet sistemi zgjedhor dhe një marrëveshje për zgjedhje parlamentare të reja pas njëviti. Në të kundërt, sipas Beqirit, LDK nuk do të kontribuojë në zgjedhjen e Pacollit si president.

Deklaratat e Ambasadës amerikane dhe BE-së se deputetët janë të detyruar të marrin pjesë në séance, LDK-ja nuk i komentoi. Megjithatë, deputetët e kësaj partie, sikurse edhe ata të Vetëvendosjes dhe AAK-së, i referohen dy dispozitave të tjera ligjore, që siç thonë ata, nuk i detyrojnë të qëndrojnë në seancë.

Në nenin 70 pika 1 e Kushtetutës ku flitet për mandatin e deputetëve, thuhet se deputetët e Kuvendit janë përfaqësues të popullit dhe nuk i nënshtrohen asnjë mandati detyrues.

Ky qëndrim përforcohet edhe nga radhët e PDK-së, ku vetë kryetari i Kuvendit, Jakup Krasniqi deklaron se është mirë të lexohet neni 70 pika 1 që flet për të drejtat dhe detyrat e deputetit.

Edhe Vetëvendosje dhe AAK mbajnë qëndrimin se nuk mund të detyrohen deputetët të marrin pjesë në seancën ku do të zgjidhet presidenti.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30