"Diasporën Shqiptare" vazhdon regjistrimi aktual i popullsisë në Kosovë, por me pasoja te mëdha

nga **Agim Gashi** Tue Apr 05, 2011 10:34 pm

Pa "Diasporën Shqiptare" vazhdon regjistrimi aktual i popullsisë në Kosovë, por me pasoja te mëdha

Nga Asllan Dibrani

Radikalizmi i gjendjes politike nga organet serbe , emigrim i madh për në shtetet e perëndimit
Diaspora shqiptare me aktivitete të përhershme bëri vetëmohim për pavarësinë e Kosovës
Institucionet e Kosovës e harruan "Diasporën Shqiptare" për ta ruajtur karrigen e vet
Ballafaqime të reja pas regjistrimit të popullatës në
Kosovë për "Diasporën Shqiptare"
Një mërgimtari regjistrimi do ti kushtoj rreth 3.000 euro

Shqiptarët e Kosovës nga viti 1981 në regjistrimin e fundit po i mbushin tri dekada që nuk e dinë se sa popull ka, atë regjistrim edhe se ishte bërë në vitin 1981 ne kishim të krijuar një dyshim mos besimi ne organet e atëhershme jugosllave! Demonstratat e viti 1981 ishin si prioritet qe ta ndryshonin sistemin e atëhershëm dhe shndërrimin Kosovës në një Republikë të pa varur ,ku aparatura serbe shfrytëzoj këto ngjarje dhe ndryshoj radikalisht gjendjen në terren, duke sjellë pasoja të mëdha të drejtpërdrejta dhe indirekte demografike dhe socioekonomike përmes (burgosjeve ,diferencimit politik ,përçarjes në brendësinë e popullatës,presioneve, shpërnguljeve dhe depërtimet, vrasjeve, shkatërrimit të shtëpive dhe dëmet e tjera materiale, zhdukjes së dokumentacionit, emigrimet në botën e jashtme për shkaqe sigurie ekonomike etj.)

Radikalizmi i gjendjes politike nga organet serbe emigrim i madh për në shtetet e perëndimit!

Nga pa mundësia e një jete normale nga shënimet e lartpërmendura, popullata fillojë një emigrim të madh për në shtete e perëndimit. Fillimisht nga të rinjtë për t'ju shmangur shërbimit ushtarak në regjimin jugosllav dhe studentët po edhe nga intelektual qe ishin në shënjestër të pushtuesit, si të ndjekur politik. Me kalimin e kohës kjo gjendje vinte duke u rënduar për shkak të rezistenca shqiptare për shtetin e pavarur të Kosovës, në vitet në vijim reprezaljet e regjimit serb u intensifikonin sa ma tepër ,kështu që në vitet e 90-ta shpërnguljet nga Kosova u bënë masive dhe "absurde"si normale që me qindra autobusë i niseshin për në rrugë të pa destinuara, as vet nuk e dinin se ku do te përplaseshin ,gjithnjë të privilegjuara agjenci turistike me organet serbe. Me qindra mijëra shqiptare brenda pak vitesh e lëshuan Kosovën duke u përqendruar si azilkërkues në Gjermani, Zvicër,Austri,Suedi,Francë ,Britani ,Belgjikë ,Norvegji,Danimarkë, Slloveni,Holandë në SHBA ne Australinë e largët etj.

Diaspora shqiptare me aktivitete të përhershme bëri vetëmohim për pavarësinë e Kosovës

Diaspora shqiptare shpejt u bë bumerang kundër shtypjes dhe terrorit serb në Kosovë. Ajo u rreshtua pas interesit të kombit për ta çliruar me forcë, financë,demonstrata ,organizime ,pjesëmarrje në luftën e Kosovës që shumë djem tanë lanë eshtrat atje dhe fëmijët e tyre sot gjinden jetim dhe rriten pa prind në Perëndim. Sot shqiptarët e Kosovës kanë një numër të madh të emigranteve ku konsiderohet se në SHBA janë rreth 500.000 mijë shqiptarë ,në Zvicër janë mbi 400.000 mijë shqiptare , në Gjermani mbi 500.000 mijë shqiptare , ne Suedi 40.000 shqiptarë në Norvegji 14.000 shqiptare ,ne Belgjike 20.000 shqiptarë ne Slloveni ,Holandë Francë Austri, Britani,Australi me qindra mija shqiptarë. Ky numër për fat të keq po shtohet edhe sot e kësaj dite, jo ma nga faktori serb po nga faktori shqiptar, duke e lëshuar Kosovën nga skamja,pasiguria, keq menaxhimi i qeverisjes se vendit etj!... Rezultat i fundit vjen qe "Diaspora Shqiptare" nuk përfshihet në regjistrimin e popullatës së Kosovës me çka konstatohet një shkelje e rëndë e të drejtave të emigranteve kosovarë në botën e jashtme!

Institucionet e Kosovës e harruan "Diasporën Shqiptare" për ta ruajtur karrigen e vet

Organet dhe institucionet qendrore të Kosovës nuk janë preokupuar fare me këtë projekt delikat dhe me rendësi. Regjistrimi i popullsisë në Kosovë i prillit të këtij viti, mbetet mjaft kompleks dhe konfuz edhe për faktin se krejt angazhimet e instancave të larta te pushtetit dhe të politikës ishin përqendruar të zgjedhjet, ndërsa ky projekt i shumë pritur nga populli i Kosovës nuk mund të realizohen me sukses brenda një harku të shkurtër kohor siç u veprua këto ditë, që faktikisht filloj regjistrimi i popullatës pa u përfshire "Diaspora Shqiptare", po njëkohësisht pa e përfshire gjithë territorin e Kosovës në tërësi, ku flitet se në Mitrovicën e veriut as njeri nuk ka qenë atje dhe konsiderohet edhe ai vend i Kosovës po edhe me popullatë shqiptare.

Në këtë regjistrim, problem në vete mbeten Zyrat e Regjistrimit të popullsisë nëpër komuna dhe të udhëheqësit të saj, të cilët nuk posedojnë asfare aftësie menaxhuese dhe profesionale, me mungesë njohurie dhe për operacionin më elementar të kuadrove që nuk kanë as për se afërmi njohuri dhe përgatitje, duke i mbledhur rrugëve njerëzit për "punësim të përkohshëm sa për regjistrim" çka do te thotë për 15 ditë, të hyhet nga rruga të kryejnë poçes të regjistrimit të popullatës? Ku dinë ata njerëz të rrugëve të bëjnë një bilanc statistikor të një regjistrimi të mirëfilltë të popullatës .Një pjesë e qytetarëve të Kosovës do te mbesin të çuditur dhe të zhgënjyer sikurse na në "Diaspora shqiptare" që na nëpërkëmben matrapazët qeveritar me mbrapshtitë e veta të korrupsionit,hajnisë,qeverisjes së keqe etj.

Ballafaqime të reja pas regjistrimit të popullatës në Kosovë për "Diasporën Shqiptare"

Për përjashtimin e diasporës nga procesi i regjistrimit si popullsi e përgjithshme e Kosovës, përveç Ministrisë së Administratës Publike dhe Entit Statistikor të Kosovës, përgjegjësi bartin në radhë të parë Kuvendi i Kosovës,me organet kompetente dhe veçanërisht Zyrëja e Regjistrimit të Popullsisë, që është dashur të bëjë analizën e dokumentacionit dhe te këtij projekti të propozuar për regjistrimin e popullsisë,i cili është i pa analizuar dhe i pa perspektivë . Ky projekt u bë shkel e shko për “bashkatdhetarët tanë ” ose “Diasporën shqiptare ”, me gjithë kompleksitetin e vet dhe zhgënjimin shumë vjeçar nga qeveritë e Kosovës. Në këtë rast sa vjen e rritet akoma pakënaqësia duke konsideruar që të gjitha investimet e tyre në Kosovë janë të dështuara,mospërfillja e tyre gjatë pushimeve dhe vizitave ne atdhe, keqtrajtimi i tyre nëpër pika kufitare ,(për një dokument terë familja ka pas rast qe e ka humbur pushimin pa kurrfarë arsye ku në shtetet perëndimore mund te zgjat vetëm 5 minuta rregullimi i tij )Sot "Diaspora Shqiptare" sipas statistikave të lartshënuara ka me miliona njerëz jashtë vendi pa kurrfarë përfaqësimi në organet e Kosovës as në Parlamentin e Kosovës .

Një mërgimtari regjistrimi do ti kushtoj rreth 3.000 euro

Me një fjalë injoranca nga Organet e Kosovës ka ardhur deri në skajshmërinë ndaj diasporës pa të drejta ma elementare njerëzore,në votime (pa të drejta për të zgjedhur dhe për t’u zgjedhur), në regjistrimin civil dhe në regjistrimin e popullsisë!

Punëtorët tanë në botën e jashtme kanë lënë djersen dhe kockat nëpër kanalet dhe në rrugët e Evropës me qëllim të kursimit të parasë vetëm për Kosovën. Tani ai njeri nuk mund ta humb vendin e punës në shtetin që punon siç ceket ne rregulloren e të drejtës së regjistrimit të popullatës ku theksohet se (çdo qytetar ma tepër se 12 muaj qe nuk është në Kosovë konsiderohet si i huaj) !?... ndërsa ka gjithë vëllezërit, motrat, kapitalin në Kosovë. E pa besueshme por realitet është një gjë e tmerrshme në fërkimet dhe çpikjet qe janë duke u bërë në kurriz të popullit shqiptar nga vet të zgjedhurit e popullit, nga kinse ma të "mirët" e Kosovës posaçërisht me një politikë qe po ndiqet kundër (Diasporës shqiptare qe ligjvënësit e këtij projekti i kemi ulur në ato karrige aq te dashura dhe shume te buta )! Jam i bindur se buka e "Diasporës shqiptare " do ti vras këta hajdut aq të pa skrupullt ndaj çështjes kombëtare. Llogaritet se me miliona qytetarë të Kosovës po injorohen me pa te drejt regjistrimi nga kjo bandë hajdutësh! Po del se një numër i madh i qytetarëve po e humb identitetin e vet si qytetar të Kosovës me çka automatikisht planet serbe dhe të armiqve tanë po realizohen! Mospërfshirja e diasporës në këtë regjistrim ka medaljet e veta të ma vonshme për "Qeveritarët" aktual. Pas kryerjes se regjistrimit të popullatës sipas fjalëve dhe situatës në teren, thuhet se si kusht i ma vonshëm nga qeveria do te jetë obligimi i ("çdo qytetari në botën e jashtme që ti paguaj nga 3000 euro për person")me çka do të ballafaqohen qytetarët emigrant me ligje të reja me qëllim të mos regjistrimit të kapitalit pa i dhëne fillimisht ato 3000 euro. A do të mundin qytetarët e diasporës me i përballua këtij terrori psikik dhe fizik le të mbetet ta shohim në të ardhmen, por me këtë politikë që ndiqet tani në "Shtetin tonë të pavarur të Kosovës" të përgjakur dhe të shtrenjtë që e paguam na të diasporës, prapë po ia lëmë kohës se apo del ndonjë forcë politike tu ndalë hovin kësaj "Qeverie të Kosovës" apo për ndryshe do ta qoj popullin edhe ma thellë në qorrsokak duke u nxitur shpërngulja e mëtutjeshme dhe stopimin e këtyre qe janë jashtë për mos regjistrim, dhe nuk do te shkoj kohë e gjate dhe shqiptarët e Kosovës do te mbesin minoritet në krahasim me të tjerët. Kujtone rastin e familjes kosovare disa anëtarëshe me disa te tjerë përafërsisht 15 veta , midis datës 14 dhe 16 tetorit 2010, që vdiq në ujërat e lumit Tisa në mes Hungarisë dhe Serbisë duke ikur nga Kosova nga vendi i vet, nga shqiptarët e zgjedhur qe 12 vjet e lanë atë popull në errësirë pa kushtet ma elementare pa ujë,rrym, bukë,punë dhe siguri !?...

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30