Demir Krasniqi:S’ KA ILAÇ PËR KARRIERË

nga **Agim Gashi** Sun May 08, 2011 9:09 pm

Demir Krasniqi:S’ KA ILAÇ PËR KARRIERË
Parodi humoristike rapsodike:
Ka shumë kohë që frynë nji erë ,
Po m’ dhemb kryet , po vjell vnerë ,
Jam sëmu randë për karrierë ,
Për mu’ t’ mjerin s’ ka pranverë ,
Prej se linda dhe u kohova ,
T’ gjitha shansat e sprovova ,
As nji herë sukses nuk pata ,
Mu kish pre në cung nafaka ,
Zemra punën kurrë s’ ma dashti ,
As me lapsa ,as me shati ,
Kurrë sefa s’ bana i ngrati ,

N’ karrierë s’ ma deshti fati !
Disa vjet kesh komunist –
M’ thanë – e ke babën ballist !
Kisha qejf me u ba shumar –
M’ thanë – e ke babën shqiptar !
Kisha qejf me u ba milic –
T’ gjithë ma ngulën nga nji spic !
Kisha qejf me u ba udbash –
M’ thanë – e paske kryet e trashë !
Shihsha andërr natë për natë –
Se do t’ shkoj në Beligrat !
Thojsha m’ zgjedhin delegat – e,

M’ thanë – e ke guhën e gat – e !
Kur muer krah pushteti i dhunës –
I pari e lëshova vendin e punës !
Rrijsha rrugëve ditë e natë –
Thash do t’ bahëm demokrat !
N’ çdo parti u bana anëtarë –
Thojsha – m’ bajnë ndo ‘i herë të parë !
Mbajsha fjalë n’ mal e n’ livadh ,
Kisha qejf me u ma i madh !
Angazhim kisha gjithëfare –
N’ gjitha partitë qytetare !
Hyna në Partinë Fshatare –

Thosha – marr pasul pa pare !
M’ thojshin shokët – o , Demë , çka bane ?
Lej këto parti myslimane !
Hyn n’ Partinë Demokristiane –
Se i kem punët mirë me gjerman – e !
Shkruenu ma shumë katolikë –
Ma lehtë shkojmë për Amerikë !
Kur t’ arrijmë pajtim kombëtar –
T’ anëtarësojmë n’ Ballin Kombëtar !
Nëse banë Turqia puç –
Brenda natës – bahemi turq !
Kështu e do kjo politika –

Na do ma shumë Amerika !
N’ aksion humanitarë –
N’ “Nanë Terezë” – jam arkatar !
Mbledhi marka , mbledh dollarë ,
Ditën – mbledh për arsimtarë ,
Natën – mbledh për hoxhallarë .
Nëpër oda – n’ shumë konaqe ,
Mbajta fjalë , pajtova gjaqe !
Lëshova mjekër , bleva tespi – e,

Nga pesë herë shkova n’ xhami – e !
Me shumë prifta e hoxhallarë ,
Me poetë e me shkrimtarë ,
Me doktorë e me shkencëtarë ,
Patriotë e me pleqnarë ,
Me artistë e me kangëtarë ,
Me të gjithë u nxumë dosllarë ,
Kudo dola n’ rreshta t’ parë ,
N’ dreka e n’ darka hiq pa ndal –e ,

Atij t’ Madhit i qofshim fal – e !
M’ thojshin – vinë do ditë ma t’ mira ,
Do t’i gëzojmë do zgjedhje t’ lira !
N’ Qeveri , ja në Kuvend –
Do ta bajmë edhe ty ndo ‘i vend !
Ke hjekë shumë e je mundue ,
N’ çdo aksion je angazhue ,
Ditë e natë , ti ke vrapue ,
Shpeshherë jetë ke rrezikue ,
S’ ke lanë çorbë pa e kërkue ,
As parti , pa u anëtarësue ,
Je ba i dijshëm dhe fetar – e ,

Poplli , ty do t’ zgjedh të par – e !
U banë zgjedhjet dhe Kuvendi –
Kërkush emnin s’ ma përmendi !
Për kurrgja s’ më propozuen ,
N’ asnji listë nuk më votuen ,
Në pleqni – mbeta guxhar –e ,

As si qen , as si zagar –e !
Ranë në ujë aftësitë e mia ,
Tash po m’ keshin grueja e thmija –
Na ka mbetë baba tu shpija ,
S’ po e do populli , as partia ,
S’ po e do hoxha , as xhamia ,
As namazi , as tespia ,
S’ po e do kisha , s’ po e do prifti ,
N’ politikë – dallash ja qiti ,
Karriera krejt e fiki ,
Ja ka ngjitë sëmundja për fyti ,
Tash u shtri po rrinë n’ krevet ,
Kund ilaç për te s’u gjet !
Ka thanë mjeku njimi herë –

S’ ka ilaç për karrierë !
Gjilan, më 1992. Demir KRASNIQI

Solli për publikim:Shaban Cakolli

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30