Komunikatë e familjarëve Geci, Dajaku, Kastrati, Azemi, Imeri e Behrami nga Drenica:Me ty Azem Syla mund të flasim edhe me Kanunin e Lekë Dukagjinit

nga **Agim Gashi** Thu May 12, 2011 6:24 pm

Me ty Azem Syla mund të flasim edhe me Kanunin e Lekë Dukagjinit

Komunikatë e familjarëve Geci, Dajaku, Kastrati, Azemi, Imeri e Behrami nga Drenica

Ne familjet e gjashtë fshatrave qe i kemi djemtë të vrarë në kohën e pasluftës kërkojmë nga institucionet e vendit, përkatësisht nga Presidentja Atifete Jahjaga, kryeministri Hashim Thaçi, kryeparlamentari Jakup Krasniqi që të mos ndërhyjnë në punët e drejtësisë në rastet e vrasjes së anëtarëve të familjarëve tanë të vrarë pas përfundimit të luftës në Kosovë.

Gjithashtu ne kërkojmë nga EULEX-i dhe bashkësia ndërkombëtare që të zbardhen vrasjet e djemve tanë sepse ne familjaret do të kërkojmë pa ndërprerë dorasit e vrasjeve të djemve tonë.

Neve familjeve, pos që na janë vrarë djemtë tanë, janë bërë përpjekje nga idinvidë e struktura kriminale që të na etiketojnë si “tradhtarë” e “kriminelë”.

Por punën që nuk e kanë bërë hetuesia, gjyqësia e policia jemi detyruar të bëjmë vetë. Hetimet e tona të vazhdueshme se kush mund të jenë vrasësit e djemve tonë, na kanë quar te Azem Syla me shokët e tij. Dyshimet tona po përputhen me vetë deklarimet e këtij të fundit se ka dhënë urdhër për vrasjen e Gani Gecit.

Ne kemi menduar gjatë se si të veprojmë në atë kohë të luftës.

Ndërsa Ti Azem Syla edhe Drashkoviqin mund ta beje "hero" gjatë luftës ndërsa sot kur gjerat kanë dalë në sipërfaqe dhe drejtësia ka filluar të funksionojë, kërkojmë nga EUELE-xi, që të veprojnë sa më parë ndaj këtij personi me emrin Azem Syla i cili publikisht deklaron se ka dhënë urdhër për vrasjen e Gani Gecit. Ne kërkojmë nga EUELEX-i që të veprojë sa më parë që nuk është bërë vonë dhe t’i qesin para drejtësisë e t’i ulin në bankën e të akuzuarve këta vrasës dhe ata të tregojnë se kush i shtyri ata që t’i vrasin bijtë tanë më të dashur e më të mirë të kombit.

Neve na intereson të dijmë të vërtetën e vrasjes së djemve tonë.

Azemi Sylës dhe kupollës së krimit, më mirë i bijnë që të vetë të deklarohet para drejtësisë dhe të tregojë realitetin. “A e di ti o Azem Syliqi se ne jemi shqiptarë. Ne do te flasim me Ty edhe ndryshe! Ty o Azem Syliqi do ta varim Kanunin në qafë dhe të gjitha ato veprime tua që i ke bërë ti me argatët tu që prej mbrëmë i ke varur në “baskinë” tënde! Ndoshta ti Azem Syliqi mundesh me ikë prej drejtësisë por Kanuni ka me të ndjek ty, djemtë e tu, nipat e tu e stërnipat e tu!

Azem po ta bëjmë me dije se a ke dëgjuar ndonjë herë se te shqiptarët nuk ka mbetur hak pa u kthyer!

Na ke sjellë shumë dhimbje, shumë lot, shumë mërzi o Azem Syliqi!

Na i ke lënë nënat me duar ne gji,dy nuse të reja na i ke kthye në gjini, Besimi ka pasur vetëm edhe një javë para martesës, Bekimit i kanë mbetur jetime dy vajzat në përkujdesje të nënës së Bekimit.

Ne gjithmonë e kemi ditë se kush je ti. Azem Syla gjithmonë ne kemi dyshuar në ty. Por e vërteta është vështirë të fshihet dhe tash erdhi momenti kur ti del e pranon krimin. Drejtësia duhet te merret me Ty andaj mos e akuzoni punëtorin tuaj Nazim Bllaca, sepse i madhi Zot është ai që gjerat i ka qitur mbi sipërfaqe.

Se shpejti do të jesh edhe ti “vrarë” në shpirt nga gishti i popullit i drejtuar të ti.

Duke ju parë “të vdekur” për se gjalli si dikur Mojsi Golemi, ti o Azem Syliqi do t’i kesh punët edhe më keq. Prandaj më mirë është për ty që t’i dorëzohesh drejtësisë sepse gjyqtarët janë të juajt, policia është e juaja dhe të ndihmon ty më shumë.

EULEX-it dhe bashkësisë ndërkombëtare i kërkojmë arrestimin e vrasësve dhe vënien e drejtësisë ne vend dhe mos të na detyrojnë te kthehemi 600 vjet prapa te Kanuni i Lekë Dukagjinit.

Pasojnë nënshkrimet e familjarëve

Përfaqesues i Familjes Geci. Fadil Geci

Përfaqesues i Familjes Imeri, Imer Imeri

Përfaqesues i Familjes Dajaku, Nazmi Dajaku

Përfaqesues i Familjes Behrami, Jetullah Behrami

Përfaqesues i Familjes Kastrati, Hajriz Kastrati

http://www.botasot.info/def.php?category=3&id=118395

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30