Haxhiu akuzon Kurtin për politizim të grevës së veteranëve të UÇK-së

nga **Agim Gashi** Thu Jun 16, 2011 8:54 pm

Haxhiu akuzon Kurtin për politizim të grevës së veteranëve të UÇK-së

Albin Kurti po përpiqet të përçajë ish pjesëtarët e Ushtrisë Çlirimtare të Kosovës. Këtë e ka thënë deputeti i Partisë Demokratike të Kosovës, Bekim Haxhiu të enjten në Kuvendin e Kosovës, duke e konsideruar si të panevojshëm vazhdimin e grevës së disa veteranëve. Haxhiu ka thënë se greva e ka arritur efektin dhe Ligji për vlerat e luftës do të vijë së shpejti në Kuvend, përderisa ka thënë se tani greva po politizohet.

Sipas tij, politizimi i grevës ka nisur me vizitën e deputetit të Vetëvendosjes, Albin Kurti tek veteranët grevistë. Haxhiu ka thënë se Kurti gjatë kësaj vizite ka folur para ish ushtarëve të UÇK-së se kush është më patriot e kush jo.

“Para ish luftëtarëve të UÇK-së Albin Kurti foli për atë se kush është patriot e kush jo. Dhe atë pikërisht në mes të Prishtinës, në mesin e atyre të cilëve kishte refuzuar t’iu bashkohej dikur. Tani ai tenton t’i përçajë dhe të dalë si shpëtimtar i tyre. Kot e ka se nuk mund të hyjë mes mishit e thonit”, ka thënë Haxhiu.

Ai ka thënë më tej se prej që PDK-ja ka ardhur në pushtet janë ngritur të ardhurat për kategoritë e luftës.

Haxhiu ka kritikuar edhe tendencën e një pjese të opozitës pa të krijuar përshtypjen se Kosova po bankroton dhe po falimenton, duke thënë se në mungesë të opsioneve për zgjidhjen e problemeve, opozita përpiqet që përmes tendencës së ngritjes së frikës së qytetarëve, të arrijë efektin e saj politik.

Një tjetër tendencë, është ajo e përshtypjes se ne po bankrotojmë, ne do të falimentojmë. Por kjo vjen nga opozita e cila nuk ka pasur opsione për zgjidhjen e problemeve, por me tendencën e ngritjes së frikës për qytetarët mundohen.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30