Të ndërtojmë një jetë të re!-....PA KORRUPSION!

nga **Agim Gashi** Fri Jun 17, 2011 12:38 pm

Të ndërtojmë një jetë të re!

.......PA KORRUPSION!

"Lëvizja Shqipëria e Re", ndërmerr inisiativen e dërgimit në Parlament, të një projektligji dhe platformë Kundër Korrupsionit.
Kjo platformë do të përfshije:
1. Heqjen e imunitetit të deputetëve dhe zyrtarëve të tjerë.
2. Ngritjen e Gjykatës Administrative
3. Ngritjen e një Agjensie të Supervizimit të punes së cdo punonjësi të administratës publike, të emëruar apo të zgjedhur.
4. Përfshirjen në QKL të çdo liçence apo leje të mundshme përfshi këtu, hidrocentralet, shkollat e larta, autoshkollat etj që nuk janë futur akoma në QKL.
5. Përcaktimin me ligj të Referendumeve, Lokale dhe Kombëtare si mënyrë demokratike për përfshirjen direkte në vendimmarrje të njerezve dhe popullit të thjeshtë sa i perket orientimit të prioriteteve në investime apo shpenzime publike, apo në çështje të tjera me rëndesi jetike për të gjithë shoqërinë dhe kombin.
6. Heqjen urgjente të tarifave skandaloze që qëndrojnë si ushunjëza në cdo qoshe të administratës publike, si në arsim, te Agjensia e Akreditimit, në Transport, tarifa e kalimit të pronësise së automjeteve, etj.
7. Transparencë maksimale në çdo proces dhe sektor të administratës publike.
8. STOP rritjes së çmimeve si Nafta, Mielli, Energjia, Uji dhe shumë e shumë artikujve të tjerë të domosdoshem për jetën.
9. Më shumë përkujdesje sociale për njerezit në nevoje,më shumë transparencë dhe drejtësi sociale në shpërndarjen e fondeve apo mundesive për kualifikimn profesional dhe punësimin e të rinjve.
10. Më shumë vëmëndje dhe transparencë për investimet në përkujdesjen e shtetit, ndaj familjeve në nevojë. Më shumë investime në ndërtimin e banesave të cilat mund tu jepen me kreditim të butë këtyre familjeve të pastreha si dhe familjeve të reja(çifteve te reja).

Shtoni listen tuaj të problematikave dhe indinjatën tuaj kundër korrupsionit dhe mungesës së transparencës në Shqipëri deri më tani!

-Duke vlerësuar maksimalisht përfshirjen dhe protagonizmin tuaj theksojme se mirëpresim çdo kontribut të çdokujt dhe gjithsejcilit që i shton kësaj liste mendimet, hallet, zgjidhjet dhe energjitë e veta personale apo të grupit e komunitetit ku bën pjesë.
-Jeni të mirëpritur dhe të falenderuar paraprakisht për cdo lloj mbështetjeje që do ti jepni kësaj nisme.
-Shqipëria e Re, dhe Jeta jonë e Re, nuk mund të ndërtohet në, apo mbi një truall me korrupsion, prandaj një orë e më parë ta shporrim nga Shqipëria këtë zaptues të jetës sonë të përditshme, këtë pushtues të lirisë, pasurisë dhe së ardhmes së Familjeve tona!

TË NDËRTOJMË NJË JËTË TË RE! ......pa korrupsion!

Shperndaje sa te mundesh.

Kur te te ikin fuqite, kujtohu sa zvarritje dhe sa ecejake ke bere ne zyrat e Shtetit, kujtohu sa vite ti iken dhe iu fiken rinise tende nga perrallisjet e Politik-save, dhe derdellitjet e tyre per nje jete me te mire per popullin dhe njerezit e thjeshte si ne, kur ne fakt u pasuruan padrejtesisht ne kurrizin tone me korrupsion dhe poshtersi!

Kujtohu per prinderit e tu, vellezerit, motrat, dhe miqte e tu, dhe nese akoma nuk ke marre fuqi, kunder kesaj "lubie" atehere kujtohu per endrrat dhe planet e ta personaler qe po te keputen ne mes perdite, nga zvarritjet, jargavitjet dhe mbllacuritjet e te babeziturve, qe nuk njohin as njerezi, as parime, as endrra, por vetem" leke nen dore e permbi dore"!

Kujtohu, merr fuqi dhe Shperndaje, sa me shume kete oshetime orteku qe do te fshije nga faqja e dheut nje here e mire te Korruptuarit qe jane turpi i Kombit tone!

Bashkohu me ne dhe shperndaje sa me shume kete inisiative ku te mundesh dhe sa te mundesh!

Shperndaje dhe Rishperndaje! Derisa Orteku yne i drejtesise sociale te jete bere aq i fuqishem sa te kete fshire nderkohe nga faqja e dheut cdo te korruptuar.
Bashkohu me ne dhe jepe Kontributin tend!

Per me shume drejtesi sociale dhe per nje Jete te Re pa korrupsion!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30