Ministri Makolli dënon aktet kriminale që ndodhën ne Zvicër

nga **Agim Gashi** Fri Aug 19, 2011 12:11 am

Ministri Makolli dënon aktet kriminale që ndodhën ne Zvicër

Ministri i Diasporës, Ibrahim Makolli përmes një letre drejtuar ambasadorit të Zvicrës në Kosovë, ka shprehur shqetësimin lidhur me rastet e fundit që kanë ndodhur në Zvicër, ku u plagos rëndë Karl Zingrich, anëtar i Swiss People’s Party, poashtu para disa ditësh u vra punonjësja e shërbimeve sociale në Pffafikon të Cyrihut.

"Ministria e Diasporës e Republikës së Kosovës është jashtëzakonisht e prekur rëndë dhe dënon ashpër këto akte vandale që u shkaktuan nga qytetarë me prejardhje nga Kosova.

Këto raste makabre, janë raste individuale kundër vlerave civilizuese dhe kundër traditës së popullit të Kosovës.

Na lejoni t’ia shprehim hidhërimin dhe indinjatën tonë të thellë popullit zviceran, qeverisë së shtetit të Zvicrës, duke i dëshiruar Zingrich shërim sa më të shpejtë ndërsa familjes së punonjëses së shërbimeve sociale ngushëllimet më të sinqerta", thuhet në letrën e ministrit Makolli.

Sipas Makollit, shteti i Zvicrës është pjesë e mijëra familjeve kosovare andaj çdo ngjarje tragjike që ndodh në këtë vend, populli kosovar e ndjen si të vetën.

Më tej në këtë letër shkruan se edhe këto ngjarje tragjike e kanë tronditur thellë çdo qytetarë të Kosovës, e cila kurrë nuk do të shkel mbi përkrahjen dhe ndihmesën që ia ka ofruar dhe vazhdon t’ia ofrojë shteti mik, Zvicra.

"Jemi të bindur se këto akte vandale me asgjë nuk do ta njollosin ndjenjën e thellë të kosovarëve për Zvicrën mike të shtetit tonë" përfundon letra e ministri Ibrahim Makolli

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30