Lajme nga Kuvendi i Kosovës

Hiqet nga rendi i ditës, caktimi i pagës për Presidentin




Jakup Krasniqi/kryetar i Kuvendit te Kosoves




Nga F.Ismajli më 31.03.2009 në ora 12:26

Kryesia e Kuvendit të Kosovës, në mbledhjen e mbajtur sot (e martë), ka hequr tërësisht nga rendi i ditës, caktimin e pagës së President të Republikës së Kosovës.

Heqja nga rendi i kësaj çështje, është bërë pas kërkesës së Presidencës së Kosovës.

Këtë e konfirmoi vetë Jakup Krasniqi, kryetar I Kuvendit të Kosovës I cili sqaroi se “kryesia e Kuvendit, nuk merret me caktimin e pagave të zyrtarëve qeveritarë, pasi për këtë çështje duhet të vendoset me ligj”.

Në të njëjtën kohë, në këtë mbledhje të kryesisë së Kuvendit të Kosovës është delegimi i pjesëtarëve për anëtarët e bordit të Radio televizionit të Kosovës (RTK).

“Partitë që janë në Kuvendin e Kosovës, do të bëjnë pjesë në komisionin për formimin e bordit të RTK”, u shpreh Jakup Krasniqi, pas mbledhjes së kësaj kryesie.

Përndryshe, në shtator të vitit të kaluar, mediet publikuan faktin se Presidenti i Kosovës, Fatmir Sejdiu ishte presidenti me pagën më të lartë në rajon.

Pas kësaj, është miratuar ligji për presidentin dhe ai ka kërkuar që Kuvendi t’ia caktojë lartësinë e pagës.
Paga e presidentit të Kosovës duhet të jetë paga më e lartë e paguar nga Buxheti i Kosovës