Kosova në veri, vetëm me udhëheqës të pikave doganore

nga **Agim Gashi** Tue Sep 13, 2011 8:30 pm

Kur pas 16 shtatorit të kalojnë pikat kufitare një dhe tridhjetë e një, qytetarët serbë të Kosovës ose të Serbisë nuk do të kontrollohen nga doganierët kosovarë. Në pikat kufitare madje nuk do të ketë prezencë as të Policisë së Kosovës. Edhe në Bërnjak e edhe në Jarinjë më 16 shtator do të vendosen policët dhe doganierët e EULEX-it.

Ata do të kenë komandantë të policisë, përkatësisht të Doganave të Kosovës. Kështu janë marrë vesh Qeveria e Kosovës, KFOR-i, EULEX-i, Zyra e BE-së në Prishtinë dhe ambasadat e Quintit (SHBA, Britani e Madhe, Gjermani, Francë e Itali).

Draft-marrëveshja është hartuar dhe u është shpërndarë të hënën për shqyrtimin e fundit të gjitha mekanizmave të përfshirë në të. Të martën (sot) pritet që marrëveshja të zyrtarizohet pas një takimi të përbashkët të kryeministrit Thaçi me shefin e EULEX-it, komandantin e KFOR-it dhe zyrtarët e tjerë ndërkombëtarë, shkruan Koha Ditore

Sipas burimeve të gazetës, mekanizmat e përfshirë do të mbajnë përgjegjësi edhe për zbatimin e marrëveshjes, e cila, sipas paralajmërimeve nga veriu, do të kundërshtohet nga strukturat kriminale atje. Marrëveshja parasheh që doganierët të vendosen në portën 31, ndërkaq në portën 1 në Jarinjë përkohësisht do të ketë vetëm policë. Porta që qe djegur nga grupe të dhunshme nuk do të përdoret për kalime të mallrave derisa në të të mos krijohen kushtet për punën e doganierëve.

EULEX-i tashmë e ka njoftuar Qeverinë e Serbisë për përmbajtjen e marrëveshjes dhe për qëllimin që më 16 shtator të vendosen doganierët në veri, për çka Beogradi nuk është pajtuar. Burime të gazetës kanë bërë të ditur se zyrtarët e Beogradit kanë thënë të mos mbajnë përgjegjësi për veprimet që do të ndërmarrin serbët lokalë, të cilët janë kundër “shtrirjes së shtetit të Kosovës në veri”.

Burime të gazetës kanë bërë të ditur se ekziston një plan i Qeverisë së Kosovës që me një aksion të ngjashëm me atë në pikat kufitare të kthejë gjykatësit kosovarë edhe në Gjykatën e Qarkut në veri të vendit, nëse për një gjë të tillë nuk arrihet ndërkohë ndonjë marrëveshje me EULEX-in./ Zëri

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30