Qeveria kundërshton ashpër planin për bllokim të pikave kufitare

nga **Agim Gashi** Wed Jan 11, 2012 9:00 pm

Qeveria kundërshton ashpër planin për bllokim të pikave kufitare

Thaçi: Vetëvendosje-Vetëfundosje dhe Aleanca Kuq e Zi-Faqezi

Qeveria e Kosovës kundërshtoi fuqishëm planin e lëvizjes Vetëvendosje për bllokimin e pikave kufitare në Merdarë dhe te Dheu i Bardhë. Kryeministri i Kosovës, Hashim Thaçi, tha se aksioni i planifikuar të zbatohet të shtunën “nuk përkon as me traditën e formulimit Vetëvendosje, por me formulimin vetëfundosje”.

“Ky model serb i aplikuar në veri nuk duhet të kopjohet nga partitë dhe njerëzit që synojnë pushtetin, sepse pushteti fitohet me vota dhe jo me dhunë. Nuk duhet të kopjohet Zvonko Veselinoviqi, nga i cili është distancuar edhe Serbia”, ka deklaruar Thaçi.

Thaçi pas mbledhjes së Qeverisë së Kosovës shprehu besimin se qytetarët e Kosovës nuk do t’i përgjigjen ftesës së Vetëvendosjes për t’i bllokuar pikat kufitare, ndërkohë që paralajmëroi këtë lëvizje se veprimet e dhunshme do të jenë të papranueshme.
Thaçi i ka e ka quajtur Vetëvendosjen si pseudopatriote. Sipas Thaçit, këtyre pseudopatriotëve të rrejshëm u ka mbetur merak që nuk e kanë veshur uniformën e UÇK-së në kohën kur është dashur.
Patriotizmi sot, siç tha Thaçi, është respektimi i Kushtetueses dhe ligjeve të Kosovës dhe jo bllokimi i rrugëve dhe pikave kufitare. Ai tha se pushteti në Kosovë nuk do të merret me dhunë por përmes votës së lirë. Ai ka ritheksuar se janë marrë të gjitha masat që ta parandalohet bllokimi i pikave kufitare dhe do të përdoret forcë proporcionale nëse është e nevojshme.

Ai tha se perspektiva e Kosovës nuk është ajo e barrikadave, por një perspektivë e integrimit.

“Perspektiva e shtetit të Kosovës është në integrim e jo në barrikadë. Veprimi i dhunshëm kundër institucioneve legjitime të Kosovës ka qenë dhe është i papranueshëm për të gjitha institucionet, por edhe për të gjithë qytetarët e Republikës së Kosovës”, tha Thaçi.

Vendosmërisë së Lëvizjes Vetëvendosje për bllokimin e pikave kufitare iu përgjigj me po të njejtën vendosmëri ministri i punëve të brendshme, Bajram Rexhepi, duke mos përjashtuar mundësinë e përdorimit të forcës për të pamundësuar zbatimin e aksionit.

“E rrespektojmë të drejtën e protestave të qeta, prandaj policia i ka planet operative, e jo vetëm që s’do të lejojë qasje në pikë-kalimet kufitare, por shpresojmë se nuk do të jetë i domosdoshëm përdorimi i forcës. Mirëpo, në raste të caktuara, përdorimi proporcional i forcës është metodë ligjore demokratike”, theksoi Rexhepi.

Lëvizja Vetëvendosje është shprehur e vendosur që më 14 janar të bllokojë dy pikat kufitare me Serbinë, në Merdare dhe te Dheu i Bardhë, me qëllim që të zbatojë dhe në praktikë mocionin për reciprocitet të plotë me Serbinë, të miratuar nga Kuvendi i Kosovës.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30