Abdullah Konushevci:OH, AMERIKA

nga **Agim Gashi** Wed Sep 14, 2011 1:58 pm

Abdullah Konushevci:OH, AMERIKA

As Dea as Adea ishte
Medea Meduza
Kishin më shumë hir
Dhe ishin dhe ishin
Më zemërdhimbshme

Ju vrasës me pagesë
Ju klithni
Ju mos pushoni së klithuri
Poshtë Amerika
Rroftë Amerika
Amerika Amerika

Kur terri të bjerë
Dhe drita të ikë
Në botët e tjera

Ju klithni
Ju mos pushoni së klithuri
Poshtë Amerika,
Rroftë Amerika
Amerika Amerika

Ju mbulon, ju mëkon
Me tisin e dendur
Të mjegullave qumështore
Edhe kur të shitni
Çdo gjë të dashur në furrëqi
Në atë furrë të zjarrtë
Të afshit, të epshit

Ju këndoni në kor
Ju mos pushoni së kënduari
Poshtë Amerika
Rroftë Amerika
Amerika! Amerika!

Tekefundit
Dhe ju duhet të jetoni
Përposh sa më përposh zbritni
Aq më mirë do ta kini

Por mos pushoni së klithuri
Poshtë Amerika
Rroftë Amerika
Amerika... Amerika..

Dhe Blenda ime e vogël
Përballë Ame(F)rikës së Madhe
Vetëm hesht, shikon e trembur
(Një amerikan i mirë
I fali një ditë një aparat)
Të tjerët
Pret me ankth
Kur do t’i varrosin babanë
Tashmë të vrarë shumë herë

Po ju klithni
Po ju mos pushoni së klithuri
Poshtë Amerika
Rroftë Amerika
Amerika Amerika

Njerëzit syminj
Po i therin në fyt
Lodrat e saj të shtrenjta
Dhe diellin dhe diellin
Po i fshehin pas shpinës

Po ju mos pushoni së klithuri
Poshtë Amerika
Rroftë Amerika
Amerika Amerika

Oh, Amerikë
Ti grusht shpuze
Ëndrrash të djegura
Nuk di ku të të fsheh
Nuk di ku të të varros
Nga ditët e mia djaloshare

Prishtinë, 2001-2011

P.S. Kjo poezi, që ishte në të vërtetë një poemë e gjatë, disa herë m’u zhduk nga kompjuteri. Disa fragmente të saj, megjithatë, po i botoj për herë të parë në FB.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30