Studimi: 25% e fëmijëve shqiptarë jetojnë në varfëri

nga **Agim Gashi** Fri Sep 30, 2011 1:24 am

Sipas një studimi të Institutit të Kërkimeve Urbane dhe Qendrës Kombëtare për Studimet Sociale, rreth 25 % e fëmijeve në Shqipëri jetojnë në varfëri, çka do të thotë se ata ushqehen keq, sëmuren shpesh, nuk argëtohen dhe kanë pak akses në arsim.
Në bazë të studimit, rezulton se për këta fëmijë shpenzohet vetëm 4. 891 lekë në muaj për person, ndërsa gjendja paraqitet më e rëndë për 11 % të këtyre familjeve, fëmijët e të cilëve konsumojnë 3.7 herë më pak ushqim se fëmijët normalë.
Fëmijet nga familjet e varfra shpenzojnë 3.9 herë më pak për shpenzimet shëndetësore dhe 4.8 herë më pak për arsimin e tyre se familjet me të ardhura normale. Këta femijë janë më të eskpozuar ndaj dhunës, por edhe ndaj braktisjes së shkollës, tregon studimi.
“Shoqëria duhet t’i sigurojë, ushqim shëndetësi, arsim dhe çdo gjë qe i duhet një fëmije. Ndihma ekonomike nuk është e mjaftueshme dhe nuk i jep aksesin e duhur për rritjen e një fëmije me të gjitha mundësitë që atyre i duhet. Shpresoj që ky studim t’i vlejë Ministrisë së Punës dhe të krijojë mundësinë për përmirësimin e saj”, tha Detlef Palm, përfaqësues i UNICEF-it në Shqipëri, mbështetës i këtij studimi.
Në prezantim mori pjesë edhe zv/ministrja e Punës, Çështjeve Sociale dhe Shanseve të Barabarta, Filloreta Kodra, e cila tha se rekomandimet e këtij studimi do të shërbejnë që Ministria e Punës, por edhe institucionet e tjera, të hartojnë dhe zbatojnë politika sociale të cilat ndikojnë maksimalisht tek rritja e mbështetjes për fëmijët.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30