Mentor Thaqi:... NJË SHEKULL, SAGË MJERIMI

nga **Agim Gashi** Fri Oct 14, 2011 12:58 am

Mentor Thaqi:... NJË SHEKULL, SAGË MJERIMI
(Migjenit in mememoriam)

Mentor Thaqi:... NJË SHEKULL, SAGË MJERIMI 294494_286711031358309_100000582437455_1030285_906396100_n

Kangë e pakëndueme
asht mjerim-dhimbja,
Sagë e pambarueme
nga lindja,
bindja
e gjindja!
Grushti asht i vogël
të i bihet Malit,
atij që s´bëzanë,
pas shekullit që ikë
e para shekullit t´ri,
asht kjo botë-gogël
si miza n´bythë t´kalit
që ladron Dynjanë
në atë detyrë të ligë
që t´sjellë neveri!

Mjerimi asht ba Ligj
kundërnjerëzor
që e ban njeriu
nën prirje egoje,
dhe, shtohen armiq
me petk pushtetor,
e pëson derëziu
ajo pjellë brenge!

Ah Mësues, në Pukë,
i vogël në plotësim
hallesh e nevojash
të lypsëve skutave,
para sartrapëve me kopukë
t´zhytur n´degjenerim
dhe t´fëlliqur gojësh
në lojen e hajdutave!

Asgjë kundër pasurisë,
atë e synon jeta
dhe bota lypsare
me ngapak shpresë,
por s´i thuhet shëmtisë
mirë se të gjeta,
me lepe-peqe qyqare,
do dilnim të pa ndjesë!

Ah, mësues-poet
ti prozator i dhimbjes,
sharra n´gozhdë na ngeli
me Lul-ë mbi një shekull,
nga vetja çka pret,
I dënuar prej lindjes
me hije ala-Zeneli,
mjerim t´shkruar mbi vetull!

Ti ike, na le
aty ku dhe ishim
në peripeti me veten
dyerve të skamjes,
çfarë dite nuk the,
ish tepër mjerim,
por, ta lexuam jetën,
Trishtimin e Kangës!

Po po, mjerimi s´don mëshirë
dhe nuk deshti kurr
do ishte vetfundosje
e shpresave të reja,
s´kapërdijmë ndytësirë
që të marrim turr,
kërkohet firmosje
për hyrje n´beteja,
në vepër prej fjale
për mirëqenie sociale,
në nderim t´Migjenit,
t´poetit-dishepullit,
në mundje t´veremit
edhe pas një shekulli!

Mentor Thaqi VS., 13.10.2011

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30